முத்துப்பேட்டை தெற்குத் தெரு இளைஞர் அணி

கூட்டு போர் ஒத்திகை: அமெரிக்க டாங்குகள் இந்தியாவிற்கு வருகின்றன

2012-01-23T14:43:00.002+05:30

23 Jan 2012

புதுடெல்லி:கூட்டு போர் ஒத்திகைக்காக அமெரிக்க போர் டாங்குகள் முதன் முதலாக இந்திய மண்ணில் வருகிறது.

‘யுத் அப்யாஸ்’ என்று பெயர் சூட்டப்பட்டுள்ள இந்த போர் ஒத்திகை இவ்வருடம் மார்ச் மாதம் நடைபெற இருக்கிறது. இரு நாடுகளுக்கு இடையே இவ்வருடம் நடத்த திட்டமிட்டுள்ள பல்வேறு ராணுவ போர் ஒத்திகைகளின் துவக்கம்தான் ‘யுத் அப்யாஸ்’.

மூன்று போர் டாங்குகள் மற்றும் கவச வாகனங்களுடன் 200 அமெரிக்க ராணுவ வீரர்களும் இந்த கூட்டு போர் ஒத்திகையில் பங்கேற்பர். ஆனால், எந்த டாங்க் போர் ஒத்திகைக்கு வரும் என்பது குறித்து தகவல் இல்லை. டாங்குகளுடன் ரஷ்யாவில் தயாரிக்கப்பட்ட பி.எம்.பி போர் வாகனங்களையும் இந்தியா களமிறக்குகிறது.

மார்ச்சில் நடைபெறும் போர் ஒத்திகைக்கு பிறகு ஜம்மு-கஷ்மீர் ரைஃபிள்ஸைச் சார்ந்த 130 ராணுவ வீரர்கள் கலிஃபோர்னியாவிற்கு செல்வர். ஏப்ரல் மாதம் நடைபெறும் ‘ஸத்ருஜித்’ என்ற போர் ஒத்திகையில் கலந்துக் கொள்வதற்காக இவர்கள் கலிஃபோர்னியா செல்கின்றனர்.

‘வஜ்ர ப்ரஹார்’ என பெயர் சூட்டப்பட்டுள்ள மலை இடுக்குகளில் நடக்கும் ராணுவ பயிற்சிகளில் இரு நாடுகளைச் சார்ந்த சிறப்பு படை வீரர்கள் கலந்துக்கொள்வர்.

ஆகஸ்ட் மாதம் உத்தரகாண்டில் இன்னொரு கூட்டு ராணுவ போர் ஒத்திகை நடைபெறும். இந்தியா-அமெரிக்காவைச் சார்ந்த சிறப்பு படையினரில் தேர்வுச் செய்யப்பட்ட 60 ராணுவ வீரர்கள் வீதம் இந்த போர் ஒத்திகையில் பங்கேற்பர்.

தீவிரவாத தடுப்பு நடவடிக்கைகள், கலவர எதிர்ப்பு நடவடிக்கைகள் ஆகியவற்றில் சிறப்பு பயிற்சி பெறுவதுதான் இத்தகைய கூட்டு போர் ஒத்திகைகளின் நோக்கமாகும். கடற்படையும் பல்வேறு போர் ஒத்திகைகளில் பங்கேற்கும்.

இந்தியா-அமெரிக்கா இடையேயான உறவை வலுப்படுத்தும் வகையில் வரும் ஆண்டுகளிலும் போர் ஒத்திகைகள் நடைபெறும்.

சிறுபான்மையினர் என்ற எண்ணத்தை முஸ்லிம்கள் கைவிட வேண்டும் – ரஹ்மான்கான்

2012-01-23T14:42:00.002+05:30

23 Jan 2012

பாட்னா:சிறுபான்மையினர் என்ற தாழ்வு மனப்பான்மையில் இருந்து விடுபட்டால் மட்டுமே அவர்கள் அனுபவிக்கும் பல்வேறு பிரச்சனைகளூக்கு தீர்வு காணமுடியும் என மாநிலங்களவை துணைத்தலைவர் கெ.ரஹ்மான்கான் கூறியுள்ளார்.

பீகார் மாநிலத்தில் பிரதேஷ் கவ்மி தன்ஸீம் சார்பாக நடந்த மாநாட்டில் கலந்துக்கொண்டு உரையாற்றினார் ரஹ்மான்கான். அப்பொழுது அவர் கூறியது: ‘பிரச்சனைகளுக்கு தீர்வு என்பது அரசிடமோ, இதர சமுதாயங்களின் கரங்களிலோ அல்ல என்பதை முஸ்லிம்கள் புரிந்துக்கொள்ள வேண்டும். செயல்பாடுகளுக்கு முன்னுரிமைகளை நிச்சயித்து தீர்விற்கு சுயமாக முயற்சிக்க வேண்டும்.

சமூக-பொருளாதார முன்னேற்றத்திற்கு தேவையான கூட்டு முயற்சி சுதந்திரத்திற்கு பிறகு உருவாகவில்லை என்பது
முஸ்லிம்களின் மிகப்பெரிய தோல்வி ஆகும். மதரீதியான பிரிவுகள் மூலமாக முஸ்லிம்கள் பிரிந்து இருக்கின்றார்கள்’ என்று ரஹ்மான் கூறியுள்ளார்.

முஸ்லிம் இளைஞர் கைது:மஹராஷ்ட்ரா அரசுக்கு சிறுபான்மை கமிஷன் கடிதம்

2012-01-23T14:41:00.000+05:30

23 Jan 2012

புதுடெல்லி/மும்பை:டெல்லியில் வசித்துவந்த முஸ்லிம் இளைஞரை கைது செய்தது குறித்து விளக்கம் அளிக்க கோரி தேசிய சிறுபான்மை கமிஷன் மஹராஷ்ட்ரா அரசுக்கு கடிதம் எழுதியுள்ளது.

டெல்லி போலீஸின் ஸ்பெஷல் பிரிவுக்கு தகவல் அளிக்கும் நகீ அஹ்மத் என்பவரை போலி ஆவணங்கள் மூலம் சிம்கார்டுகளை வாங்கினார் என குற்றம்சாட்டி மஹராஷ்ட்ரா தீவிரவாத தடுப்பு படையினர் கைது செய்தனர்.

இக்குற்றச்சாட்டு ஜோடிக்கப்பட்டது என்றும், இப்பிரச்சனையில் தலையிடக் கோரியும் நகீ அஹ்மதின் சகோதரர் தகீ தேசிய சிறுபான்மை கமிஷனை அணுகினார்.

கடந்த ஆண்டு மும்பையில் நடந்த தொடர் குண்டுவெடிப்பில் தொடர்புடையவர்களை கண்டுபிடிப்பதற்கு டெல்லி போலீஸின் ஸ்பெஷல் பிரிவிற்கு தகவல்களை கொடுத்து நகீ அஹ்மத் உதவியதாக அவருடைய குடும்ப உறுப்பினர்கள் கூறுகின்றனர்.

மஹராஷ்ட்ரா மாநிலத்தின் சிறுபான்மை கமிஷன் உறுப்பினர் கெ.என்.தாருவாலா இச்சம்பவம் தொடர்பாக மும்பை போலீஸ் கமிஷனர் அருண் பட்நாயக், மஹராஷ்ட்ரா ஏ.டி.எஸ் தலைவர் ராகேஷ் மரியா ஆகியோரை தொடர்பு கொண்ட போதிலும் பலன் ஏற்படவில்லை என தொடர்புடைய வட்டாரங்கள் தெரிவிக்கின்றன.

இதனைத் தொடர்ந்து தேசிய சிறுபான்மை கமிஷன் கைது சம்பவம் தொடர்பாக விளக்கம் கேட்டு கடுமையாக கடிதம் ஒன்றை மஹராஷ்ட்ரா மாநில உள்துறை செயலாளர் யு.சி.சாரங்கிக்கு அனுப்பியுள்ளது. இச்சம்பவம் தொடர்பான அனைத்து விபரங்களையும் சமர்ப்பிக்க வேண்டும் என கமிஷன் கோரியுள்ளது.

மும்பை தொடர் குண்டுவெடிப்பில் தொடர்புடையவர்கள் என சந்தேகிக்கும் நபர்களை கைது செய்ய மத்திய புலனாய்வு ஏஜன்சிகளும், டெல்லி போலீஸின் ஸ்பெஷல் பிரிவும் நகீயை பயன்படுத்தியுள்ளன. மும்பையைச் சார்ந்த நபர்களை அடையாளம் காண அங்கு தங்குவதற்கு புலனாய்வு ஏஜன்சிகள் நகீயிடம் கூறியுள்ளன.

டெல்லியில் உயர் புலனாய்வு அதிகாரியின் மேற்பார்வையில் நடக்கும் மிக ரகசியமான செயல்பட்டு வரும் வேளையில் மஹராஷ்ட்ரா ஏ.டி.எஸ் பணி புரிந்த இடத்தில் இருந்து நகீயை கைது செய்துள்ளது. இச்சம்பவம் டெல்லி போலீசிற்கும் ஏ.டி.எஸ்ஸிற்கும் இடையே மோதலை ஏற்படுத்தியுள்ளது.

நகீயின் இரண்டு சகோதரர்களை ஏ.டி.எஸ் கைது செய்து பின்னர் விடுவித்துள்ளது. மும்பை குண்டுவெடிப்பு தொடர்பாக நகீ அளித்த தகவல்கள் தங்களது விசாரணையை திசை திருப்பியதாக குற்றம் சாட்டி அவரை கைது செய்ததாக தொடர்புடைய வட்டாரங்கள் தெரிவிக்கின்றன.

தங்களின் ரகசிய முயற்சியை சீர்குலைத்து விடாதீர்கள் என மத்திய புலனாய்வு ஏஜன்சிகளும், டெல்லி போலீசும் ஏ.டி.எஸ்ஸிடம் கோரிக்கை விடுத்தபோதிலும் அதனை பொருட்படுத்தாது நகீயின் இரண்டு இளைய சகோதரர்களை மும்பையில் வைத்தும், மூத்த சகோதரன் தகீயை டெல்லியில் வைத்தும் பிடித்துச்சென்று கஸ்டடியில் சித்திரவதைச் செய்துள்ளனர். இதனைத் தொடர்ந்து நீதி தேடி பல கதவுகளை தட்டிவிட்டு இறுதியாக தகீ தேசிய சிறுபான்மை கமிஷனை
அணுகியுள்ளார்.

‘தீவிரவாதிகளை கைது செய்ய தேசத்திற்கு உதவியதற்காக ஒரு இந்தியக் குடிமகன் அளித்த விலை இதுதான் என்பது வருத்தத்திற்கு’ என உரியது தகீ கூறியுள்ளார்.

மத்திய மற்றும் மாநில புலனாய்வு ஏஜன்சிகள் முஸ்லிம் இளைஞர்களை கட்டாயப்படுத்தி சில வேளைகளில் மிரட்டியும் இன்ஃபார்மர்களாக(தகவல் அளிப்பவர்கள்) பயன்படுத்திவிட்டு பின்னர் தாங்கள் விரும்பிய தகவல்கள் கிடைக்கவில்லை எனில் இன்ஃபார்மர்களையே கைது செய்து குற்றவாளிகளாக அல்லது தீவிரவாதிகளாக முத்திரைக்குத்தும் சம்பவங்கள் எழுந்துள்ளது. இதற்கு நகீ அஹ்மதின் சம்பவம் ஓர் எடுத்துக்காட்டாகும்.

நான்கு பிரஞ்சு ராணுவ பயிற்சியாளர்களை சுட்டுக்கொன்ற ஆப்கான் ராணுவீரன் – நேட்டோவுக்கு பின்னடைவு

2012-01-21T14:50:00.002+05:30

21 Jan 2012

காபூல்:நான்கு பிரான்சு நாட்டு பயிற்சியாளர்களை ஆஃப்கான் ராணுவ வீரன் சுட்டுக்கொன்றதை தொடர்ந்து ராணுவ பயிற்சியை நிறுத்தி வைக்க பிரான்சு நாட்டு அதிபர் நிகோலஸ் சர்கோஸி அறிவித்துள்ளார்.

கிழக்கு ஆப்கானில் கபிஸா மாகாணத்தில் நேற்று காலை இச்சம்பவம் நிகழ்ந்தது. பிரான்சு நாட்டு ராணுவ வீரர்களுடன் வாக்குவாதத்தில் ஈடுபட்ட ஆப்கான் ராணுவ வீரர் பிறகு துப்பாக்கியால் சுட்டார். இதில் சம்பவ இடத்திலேயே நான்கு பேர் உயிரிழந்தனர். ராணுவ கமாண்டர் உள்பட 16 பேருக்கு கடுமையான காயம் ஏற்பட்டுள்ளது. மரண எண்ணிக்கை அதிகரிக்க வாய்ப்புள்ளது.

ஆப்கான் ராணுவ வீரர்களுக்கு பயிற்சி அளிக்கும் பிரான்சு நாட்டு ராணுவ பயிற்சியாளர்கள்தாம் துப்பாக்கிச்சூட்டில் கொல்லப்பட்டனர். துப்பாக்கியால் சுட்ட ஆப்கான் வீரர் கைது செய்யப்பட்டுள்ளார் என கருதப்படுகிறது.

துப்பாக்கியால் சுட்ட ராணுவ வீரர் தாலிபான் ஆதரவாளர் என கூறப்படுகிறது. இச்சம்பவத்தைத் தொடர்ந்து ஆப்கானில் பயிற்சியை நிறுத்திவைக்க பிரான்சு அதிபர் நிகோலஸ் சர்கோஸி உத்தரவிட்டுள்ளார். ஆப்கான் ராணுவ வீரர் வெளிநாட்டு படையினர் மீது துப்பாக்கியால் சுட்டத்தை அங்கீகரிக்க இயலாது என சர்கோஸி தெரிவித்துள்ளார். நிலைமைகளை குறித்து ஆராய பிரான்சு பாதுகாப்புத் துறை அமைச்சர் ஜெரால்ட் லோங்கெட்டை சர்கோஸி ஆப்கானிற்கு அனுப்பியுள்ளார். இச்சம்பவம் குறித்து முழுமையாக விசாரணை நடத்தப்படும் என சர்கோஸி கூறினார். விசாரணை அறிக்கையின் அடிப்படையில் பிரான்சு நாட்டு படையினர் ஆப்கானில் தொடர்வது குறித்து முடிவுச்செய்யப்படும்.

தாலிபான் போராளிகளிடம் இருந்து வலுவான தாக்குதல்களை எதிர்க்கொண்டு வரும் நேட்டோ படையினருக்கு, நேற்றைய சம்பவமும், தொடர்ந்து பிரான்சு நாட்டுப் படையினர் பயிற்சி அளிப்பதில் இருந்து வாபஸ் பெற்றதும் பெரும் பின்னடைவாக கருதப்படுகிறது. 3,600 பிரான்சு நாட்டு ராணுவ வீரர்கள் ஆப்கானில் உள்ளனர். பிரான்சு ராணுவ தலைமையகம் அமைந்திருக்கும் கபிஸா மாகாணத்தில் கடந்தவாரம் நடந்த தாக்குதலில் 2 பிரான்சு நாட்டு ராணுவ வீரர்கள் கொல்லப்பட்டனர்.

ஆப்கான் ராணுவ வீரரின் வேடமிட்டு வந்த நபர் நடத்திய துப்பாக்கிச் சூட்டில் இவர் கொல்லப்பட்டார். தாக்குதலுக்கான பொறுப்பை தாலிபான் ஏற்றுக்கொண்டது.

2008-ஆம் ஆண்டு கிழக்கு காபூலில் நேட்டோ மீது நடத்தப்பட்ட தாலிபான் தாக்குதலில் 10 ராணுவ வீரர்கள் கொல்லப்பட்ட பிறகு ஆப்கானில் பிரான்சு நாட்டு ராணுவத்திற்கு கிடைத்துள்ள பலத்த அடியாக இச்சம்பவம் கருதப்படுகிறது.

2001-ஆம் ஆண்டு ஆப்கானை அமெரிக்கா தலைமையில் நேட்டோ படையினர் ஆக்கிரமித்த பிறகு 82 பிரஞ்சு படை வீரர்கள் கொல்லப்பட்டுள்ளனர்.

ஹெலிகாப்டரை சுட்டு வீழ்த்திய தாலிபான்: ஆறு அமெரிக்க படையினர் பலி

2012-01-21T14:49:00.002+05:30

21 Jan 2012

காபூல்:ஆப்கானிஸ்தானில் தாலிபான் போராளிகளின் தாக்குதலில் ஹெலிகாப்டர் தகர்ந்து வீழ்ந்ததில் ஆறு அமெரிக்க ராணுவத்தினர் கொல்லப்பட்டனர்.

தெற்கு ஆப்கானிஸ்தானில் ஹெல்மந்த் மாகாணத்தில் இச்சம்பவம் நிகழ்ந்துள்ளது. காந்தஹாரில் நடந்த இன்னொரு தாக்குதலில் 6 சிவிலியன்கள் கொல்லப்பட்டனர்.

சி.ஹெச்-53 சி ஸ்டாலியன் என்ற ஹெலிகாப்டர்தாம் தாக்குதலில் வீழ்த்தப்பட்டது. ஆனால், ஹெலிகாப்டர் மீது தாக்குதல் நடத்தப்படவில்லை என்றும், விபத்துக்கான காரணத்தை ஆராய்ந்து வருவதாகவும் நேட்டோ வட்டாரங்கள் கூறுகின்றன.

மரணம் குறித்து உறுதிச்செய்யப்பட்டுள்ளது. ஆனால், ஹெலிகாப்டரில் எத்தனை பேர் பயணித்தார்கள் என்ற செய்தி வெளியாகவில்லை. குறைந்தது 40 பேர் பயணிக்கும் வசதிக்கொண்ட பெரிய ஸ்டாலியன் ஹெலிகாப்டர் எனத் தெரிகிறது.

கடந்த ஆண்டு ஆகஸ்ட் மாதம் ஸினுக் ஹெலிகாப்டர் கடந்த ஆண்டு ஆகஸ்ட் மாதம் ஸினுக் ஹெலிகாப்டர் மீது
தாலிபான் போராளிகள் நடத்திய தாக்குதலில் 30 அமெரிக்க படையினர் கொல்லப்பட்டனர். அல்காயிதா தலைவர் என கூறப்படும் உஸாமா பின் லேடனை கொலைச் செய்ததாக அமெரிக்கா கூறும் நேவி ஸீல் கமாண்டோ யூனிட்டில் 17 பேர் அச்சம்பவத்தில் கொல்லப்பட்டவர்களில் அடங்குவர்.

ஆப்கான் ஆக்கிரமிப்பிற்கு பிறகு அமெரிக்க ராணுவத்திற்கு கிடைத்த பலத்த அடியாக அச்சம்பவம் மாறியது.

காந்தஹாரில் அமெரிக்க, நேட்டோ ராணுவ தளத்திற்கு அருகே நடந்த குண்டுவெடிப்பில் ஏழு சிவிலியன்கள் கொல்லப்பட்டனர். இரண்டு ஆப்கான் ராணுவத்தினர் உள்பட எட்டுபேருக்கு காயம் ஏற்பட்டது. காந்தஹார் விமானநிலைய வாயில் அருகே குண்டுவெடிப்பு சம்பவம் நிகழ்ந்துள்ளது. நேட்டோ வாகனங்களை குறிவைத்து இத்தாக்குதல் நடத்தப்பட்டதாக தாலிபான் அறிவித்துள்ளது.

அமெரிக்க ராணுவத்தினர் நடத்திய துப்பாக்கிச் சூட்டில் சிவிலியன்கள் 3 பேர் மரணித்தனர் என தாலிபான் கூறியுள்ளது. ஆனால் தாக்குதலைக் குறித்து பதிலளிக்க நேட்டோ வட்டாரங்கள் தயாரில்லை.

ருஷ்டி வருகை ரத்து: முஸ்லிம் அமைப்புகள் வரவேற்பு

2012-01-21T14:41:00.000+05:30

21 Jan 2012

ஜெய்ப்பூர்:ஜெய்ப்பூர் இலக்கிய திருவிழாவில் பங்கேற்பதற்காக இந்தியாவுக்கு சுற்றுப்பயணம் செய்வதை ரத்துச்செய்த சர்ச்சைக்குரிய எழுத்தாளர் சல்மான் ருஷ்டியின் நடவடிக்கையை முஸ்லிம் அமைப்புகள் வரவேற்றுள்ளன.

ருஷ்டி இந்திய வருகையை ரத்துச்செய்தது ஜனநாயகத்திற்கு கிடைத்த வெற்றி என தேவ்பந்த் தாருல் உலூமின் துணைவேந்தர் மவ்லானா அபுல் காஸிம் நுஃமானி கூறியுள்ளார். அனைத்து முஸ்லிம்களின் மார்க்க உணர்வுடன் தொடர்புடைய பிரச்சனை என்பதால் ருஷ்டியின் தீர்மானத்தில் திருப்தி ஏற்பட்டுள்ளதாக ஜமாஅத்தே இஸ்லாமி ஹிந்தின் தேசிய செயலாளர் முஹம்மது சலீம் தெரிவித்துள்ளார்.

ஒரு குறிப்பிட்ட எழுத்தாளர் மீதான எதிர்ப்பை தவிர இலக்கியத் திருவிழா மீதான எதிர்ப்பு அல்ல. இறைத்தூதரை குறித்து மோசமாக எழுதிய ருஷ்டி மார்க்க ரீதியாக ஒரு க்ரிமினல் ஆவார்.

கருத்து சுதந்திரம் என்பது ருஷ்டியைப் போல எழுதுவதற்கான உரிமை அல்ல. ரகசிய புலனாய்வு பிரிவின் தகவலின் அடிப்படையில் தான் இந்திய வருகையை ரத்துச்செய்வதாக ருஷ்டி கூறுவது நாடகமாகும் என முஹம்மது சலீம் கூறியுள்ளார்.

ருஷ்டி இந்திய வருகையை ரத்துச் செய்ததை தொடர்ந்து முஸ்லிம் அமைப்புகள் அவரை எதிர்த்து நடத்தவிருந்த போராட்டத்தை ரத்துச்செய்துள்ளன.

அதேவேளையில், ருஷ்டியின் தீர்மானம் அவர் தனிப்பட்ட ரீதியில் எடுத்ததாகும் என செய்தியாளர்களின் கேள்விக்கு பதிலளிக்கையில் திக்விஜய்சிங் லக்னோவில் தெரிவித்துள்ளார். ருஷ்டி இந்தியாவுக்கு வருகை தர விசா தேவையில்லை என சிங் கூறினார்.

பெரும் போலீஸ் படை பாதுகாப்புடன் மோடி நடத்திய உண்ணாவிரத நாடகம்

2012-01-21T14:39:00.002+05:30

21 Jan 2012

கோத்ரா:ஸத்பாவனா உண்ணாவிரத தொடரின் ஒரு பகுதியாக குஜராத் முஸ்லிம் இனப்படுகொலை புகழ் நரேந்திர மோடி பாதுகாப்புடன் நேற்று ஒரு நாள் உண்ணாவிரதப் போராட்டத்தை அரங்கேற்றினார்.

கோத்ரா ரெயில் எரிப்பு சம்பவம் நடைபெற்று 10-வது ஆண்டு நிறைவுற இன்னும் ஒரு மாதம் மீதமிருக்கையில் உண்ணாவிரதத்தை மோடி நடத்தியுள்ளார்.

அதேவேளையில், அமைதி, மத நல்லிணக்கம், சகோதரத்துவம் ஆகியவற்றை வலியுறுத்தி குஜராத்தில் ஆயிரக்கணக்கான அப்பாவி முஸ்லிம்களை கொடூரமாக படுகொலைச் செய்த காவி வெறியாட்டத்திற்கு தலைமை தாங்கிய மோடி உண்ணாவிரதம் இருப்பதை எதிர்த்து அனுமதியின்றி கூட்டம் நடத்த முயன்றதாக குற்றம் சாட்டி சமூக ஆர்வலர் ஷப்னம் ஹாஷ்மி உள்ளிட்ட 5 பேரை மோடியின் போலீஸ் கைது செய்தது.

இனப்படுகொலைக்கு பலியானவர்களுக்கு நீதிக்கோரி கூட்டம் நடத்த முயன்றதால் இவர்களை போலீஸ் கைது செய்துள்ளது.

மாநில ரிசர்வ் போலீஸ் மைதானத்தில் நடைபெற்ற இந்த உண்ணாவிரத பந்தலுக்கு காலை 11 மணிக்கு நரேந்திர மோடி வந்தார். அவரை அவரது அமைச்சரவை சகாக்கள் வரவேற்றனர். எம்.பி.க்கள், எம்.எல்.ஏ.க்கள் அவருக்கு மாலை அணிவித்து வாழ்த்து தெரிவித்தனர்.

இத்துடன் பல்வேறு மதத்தைச் சேர்ந்த மத குருமார்களும் பந்தலுக்கு வந்து மோடியை வாழ்த்தினர். இதற்காக இப்போது 1,600 போலீஸார் பாதுகாப்புப் பணியில் ஈடுபடுத்தப்பட்டிருந்தனர். மாநிலம் முழுவதும் பலத்த போலீஸ் பாதுகாப்பு போடப்பட்டிருந்தது. மேலும் சிறப்பு பயிற்சி பெற்ற 50 சேதக் கமாண்டர்களும் மேடையிலும், சுற்றுப் பகுதிகளிலும் நிறுத்தப்பட்டிருந்தனர்.

பங்களாதேஷ்:அரசை கவிழ்க்கும் ராணுவத்தின் முயற்சி முறியடிப்பு

2012-01-20T14:51:00.002+05:30

20 Jan 2012

டாக்கா:ஷேக் ஹஸீனா அரசை கவிழ்க்க முயன்ற சில உயர் ராணுவ அதிகாரிகளின் சதித்திட்டம் முறியடிக்கப்பட்டதாக பங்களாதேஷ் அரசு அறிவித்துள்ளது.

ராணுவத்தில் பணியாற்றும் சில தீவிர சிந்தனையை கொண்ட பதினாறுக்கும் மேற்பட்ட அதிகாரிகளின் தலைமையில் கடந்த டிசம்பர் மாதத்தில் நடந்த ஆட்சி கவிழ்ப்பு முயற்சியை தோற்கடித்ததாக ராணுவ செய்தி தொடர்பாளர் மஸ்ஊத் ரஸாக் டாக்காவில் தெரிவித்தார்.

ஓய்வு பெற்ற ராணுவ அதிகாரிகளும் இக்குழுவில் இடம் பெற்றுள்ளனர் என செய்தித் தொடர்பாளர் தெரிவித்தார். இச்சம்பவம் தொடர்பாக இரண்டு ஓய்வுப்பெற்ற ராணுவ அதிகாரிகள் கைது செய்யப்பட்டுள்ளனர்.

2009-ஆம் ஆண்டு ராணுவப்புரட்சி முயற்சிக்கு பிறகு ராணுவத்திற்கும், ஷேக் ஹஸீனா அரசுக்கும் இடையேயான கருத்துவேறுபாடு தீவிரமடைந்துள்ளதை இச்சம்பவம் சுட்டிக்காட்டுவதாக அரசியல் நோக்கர்கள் கருதுகின்றனர்.

இதுத்தொடர்பாக ராணுவ செய்தி தொடர்பாளர் கூறியிருப்பதாவது: மிகவும் மோசமான ஆட்சி கவிழ்ப்பு முயற்சியின் பின்னணியில் ராணுவத்தில் இருந்து ஓய்வு பெற்ற சில தீவிர இஸ்லாமிய சிந்தனைவாதிகள் உள்ளனர். நாட்டின் வெளியே வாழும் சில பங்களாதேஷைச் சார்ந்தவர்களின் தலைமையில் இந்த சதித்திட்டம் தீட்டப்பட்டுள்ளது. ஓய்வு பெற்ற அதிகாரிகளான லெஃப்.கர்னல் இஹ்ஸான் யூசுஃப், மேஜர் ஸாக்கிர் ஆகியோர் கைது செய்யப்பட்டுள்ளனர்.

பங்களாதேஷை விட்டு வெளியேறிய போர் குற்றவாளி ஓய்வு பெற்ற மேஜர் ஷியாவுல் ஹக்கை குறித்து விசாரித்து வருகிறோம் என அவர் தெரிவித்தார்.

2009-ஆம் ஆண்டு ஷேக் ஹஸீனா வெற்றி பெற்று பிரதமரானவுடன் நடந்த ராணுவ கலவரத்தில் 74 கமாண்டர்கள் கொல்லப்பட்டனர்.

ஸ்திரமற்ற சூழல் நிலவும் பங்களாதேஷில் இரண்டு அதிபர்கள் கொல்லப்பட்டுள்ளனர். 19 ஆட்சிக் கவிழ்ப்பு முயற்சிகள் நடந்தேறியுள்ளன.

அப்பாவி முஸ்லிம் இளைஞர்களின் கொலைகளை கண்டித்து மணிப்பூரில் எஸ்.டி.பி.ஐ பேரணி

2012-01-20T14:50:00.002+05:30

20 Jan 2012

இம்பால்:நிரபராதிகளான அப்பாவி முஸ்லிம் இளைஞர்களை கொலைச் செய்ததை கண்டித்து சோஷியல் டெமோக்ரேடிக் பார்டி ஆஃப் இந்தியா பேரணி நடத்தியது.

இஸ்ஹாக் அலி(வயது 25), முஸ்தகீம்(வயது 24) ஆகிய இளைஞர்களின் படுகொலைக் குறித்து உடனடியாக விசாரணைக்கு உத்தரவிட வேண்டும் என பேரணியில் கோரிக்கை விடுக்கப்பட்டது.

குற்றவாளிகள் மீது நடவடிக்கை மேற்கொள்ளவேண்டும் என கோரி முதல்வரின் வீட்டிற்கு அருகே இருந்து துவங்கி ஆளுநர் மாளிகையை நோக்கி பேரணி நடைபெற்றது. ஆனால், இப்பேரணியை போலீஸ் வழியில் தடுத்து நிறுத்தியது. பின்னர் மாநில எஸ்.டி.பி.ஐ தலைவர் வஹீதுர் ரஹ்மான், செயலாளர் ராஃபி ஷா ஆகியோர் ஆளுநரிடம் மனுவை அளித்தனர்.

கொல்லப்பட்ட இளைஞர்களின் குடும்பத்தினருக்கு 10 லட்சம் ரூபாய் இழப்பீடு வழங்கவேண்டும் என வஹீதுர் ரஹ்மான் கோரிக்கை விடுத்தார். மணிப்பூரில் ஆயுதப்படை சிறப்பு அதிகாரச் சட்டத்தை வாபஸ் பெறவேண்டும் என ராஃபி ஷா அரசுக்கு கோரிக்கை விடுத்தார். கட்சி உறுப்பினர்கள் உள்பட ஏராளமான சமூக ஆர்வலர்கள் பேரணியிலும், கண்டன கூட்டத்திலும் பங்கேற்றனர்.

ஈரானையும், சிரியாவையும் தாக்கக்கூடாது – ரஷ்யா எச்சரிக்கை

2012-01-20T10:10:00.002+05:30

19 Jan 2012

மாஸ்கோ:ஈரான்,சிரியா பிரச்சனைகள் தொடர்பாக அந்நாடுகள் மீது ராணுவ நடவடிக்கை மேற்கொள்ள திட்டமிடும் மேற்கத்திய நாடுகளுக்கு ரஷ்யா எச்சரிக்கை விடுத்துள்ளது.

ஈரானை தாக்குவது பெரும் துயரத்தை உருவாக்கும் என கூறியுள்ள ரஷ்ய வெளியுறவு துறை அமைச்சர் ஸெர்ஜி லாவ்ரோவ் பிராந்தியம் முழுவதும் அகதிகள் பிரச்சனையால் நெருக்கடியுல் ஆழ்ந்துவிடும் என எச்சரிக்கை விடுத்துள்ளார்.

ஈரான் மீது விதிக்கப்பட்டுள்ள தடைகள் சமாதான வாய்ப்பிற்கு முட்டுக்கட்டையாக மாறியுள்ளது என கூறிய ஸெர்ஜி லாவ்ரோவ், தடைகளை கடுமையாக்கும் முயற்சிக்கு தனது அதிருப்தியை தெரிவித்தார்.

சிரியாவுக்கு எதிரான ராணுவ நடவடிக்கையை கண்டிக்கும் தீர்மானத்தின் வரைவை கடந்த திங்கள் கிழமை பாதுகாப்பு கவுன்சில் உறுப்பு நாடுகளின் பிரதிநிதிகளுக்கு ரஷ்யா வழங்கியது குறிப்பிடத்தக்கது.

இனி ஹஜ் விண்ணப்பத்துடன் பாஸ்போர்ட் ஒரிஜினல் வேண்டாம்

2012-01-20T10:08:00.002+05:30

19 Jan 2012

புதுடெல்லி:புனித ஹஜ்ஜிற்கான விண்ணப்பத்துடன் ஒரிஜினல் பாஸ்போர்ட்டை சமர்ப்பிக்கும் நிபந்தனையை தளர்த்த சேர்மன் முஹ்ஸினா கித்வாய் தலைமையில் விஞ்ஞான் பவனில் நடந்த ஹஜ் கமிட்டி கூட்டத்தில் முடிவு எடுக்கப்பட்டது.

இனி ஹஜ்ஜிற்கு விண்ணப்பிக்கும் வேளையில் பாஸ்போர்ட்டின் நகலை மட்டும் இணைத்தால் போதுமானது. பின்னர் ஹஜ்ஜிற்கு செல்ல தேர்வு செய்யப்பட்ட பிறகு ஒரிஜினலை சமர்ப்பிக்க வேண்டும்.

இவ்வாண்டு இந்திய ஹஜ் கமிட்டி வழியாக ஹஜ் பயணம் செல்ல விண்ணப்பிக்க கடைசி தினம் ஏப்ரல் 15 ஆம் தேதி ஆகும். விண்ணப்பிக்கு அனைத்து நபர்களின் ஒரிஜினல் பாஸ்போர்ட்டுகளை பெற்றுவிட்டு பின்னர் தேர்ந்தெடுக்காத நபர்களின் பாஸ்போர்ட்டுகளை திரும்ப அளிக்கும் வழக்கம் இதுவரை நடைமுறையில் இருந்தது. இது விண்ணப்பதாரருக்கு சிரமத்தை ஏற்படுத்துவதாக புகார் எழுந்தது.

ஹரம் ஷெரீஃபிற்கு அருகில் தங்குவதற்கு வசதி கிடைக்கும் ‘க்ரீன் கேட்டகரி’ யின் தூரம் 1500 மீட்டர் ஆக உயர்த்தவும் தீர்மானிக்கப்பட்டது.

1200-2000 மீட்டர் தூரம் கொண்ட ‘வைட் கேட்டகரி’ முற்றிலும் நீக்கப்பட்டது. ஹரமில் இருந்து எட்டு கிலோமீட்டர் தொலைவில் உள்ள அஸீஸியாவில் தங்குமிட வசதிகளில் மாற்றமில்லை.’க்ரீன்கேட்டகரியின்’ கட்டணம் 4000 ஆயிரம் ரியாலில் இருந்து 4500 ரியாலாக உயர்த்தப்பட்டுள்ளது.

ஹஜ் கிரியைகளில் ஒன்றான ஆடுகளை பலி கொடுக்க(குர்பான்) இஸ்லாமிக் டெவலப்மெண்ட் வங்கி வழியாக செய்ய விருப்பமுள்ளவர்கள் அதற்கும் விண்ணப்பிக்கலாம்.

நாடுகடத்தல்:அபூ கத்தாதவுக்கு ஆதரவாக தீர்ப்பு

2012-01-18T09:57:00.002+05:30

18 Jan 2012

லண்டன்:பிரிட்டனை மையமாகக் கொண்டு செயல்படும் ஐரோப்பாவின் பிரபல மார்க்க அறிஞர் அபூ கத்தாதாவை குண்டுவெடிப்பு வழக்கு தொடர்பாக ஜோர்டானிடம் ஒப்படைக்கும் முயற்சிக்கு ஐரோப்பிய மனித உரிமை நீதிமன்றம் தடை விதித்துள்ளது.

குற்றம் எதுவும் சுமத்தப்படாமல் பிரிட்டனில் வீட்டுக் காவலில் வைக்கப்பட்டிருக்கும் அபூகத்தாதாவை ஒப்படைக்கவேண்டும் என ஜோர்டான் கோரிக்கை விடுத்திருந்தது.

கைதானவர்களை சித்திரவதை செய்து வாக்குமூலம் பதிவுச்செய்து தன் மீது ஜோர்டானில் வழக்கு பதிவுச் செய்துள்ளதாகவும், தன்னை ஒப்படைத்தால் அதே கதிதான் தனக்கு ஏற்படும் என்ற கத்தாதாவின் வாதத்தை அங்கீகரித்த நீதிமன்றம் பிரிட்டனின் கோரிக்கையை தள்ளுபடிச் செய்தது.

ஜோர்டான் வம்சாவழியைச் சார்ந்த அபூ கத்தாதாவின் உண்மையான பெயர் உமர் உஸ்மான் என்பதாகும். இவருக்கு ஜோர்டான் ஆயுள்தண்டனையை விதித்துள்ளது.

உ.பி சட்டப்பேரவை தேர்தல்:எஸ்.டி.பி.ஐ வேட்பாளர்களின் முதல் பட்டியல் வெளியீடு

2012-01-18T09:56:00.000+05:30

18 Jan 2012

புதுடெல்லி:அடுத்த மாதம் துவங்கவிருக்கும் உத்தரபிரதேச மாநில சட்டப்பேரவைத் தேர்தலில் போட்டியிடும் சோஷியல் டெமோக்ரேடிக் பார்டி ஆஃப் இந்தியாவின் வேட்பாளர்களின் முதல் பட்டியல் வெளியிடப்பட்டுள்ளது. மொத்தம் 15 தொகுதிகளில் எஸ்.டி.பி.ஐ போட்டியிடுகிறது.

குர்ஷித் அலி ஜாமி(ஆர்யா நகர்), ஷக்கீல் அஹ்மத் முஹம்மதி(ஸிஸாமாவு), வழக்கறிஞர் ஹாரூன் அஹ்மத்(சைல்), ஷஃபாத் கான்(ஹமீர்பூர்), பல்வந்த்சிங் சார்வக்(ராம்பூர்மனிஹரன்), மவ்லானா மஸூத்(தேவ்பந்த்), மவ்லானா ஷாஹதப்(புடானா), வழக்கறிஞர் ராவு மிராஜுத்தீன (காத்தோளி), மவ்லானா அப்துல் காலிக்(டான்பூர்), ரஈஸ் அஹ்மத்(தக்கூர் துவாரா) ஆகிய வேட்பாளர்கள் அறிவிக்கப்பட்டுள்ளனர்.

உத்தரபிரதேச மாநிலத்தில் கடந்த பல ஆண்டுகளாக நடந்துவரும் ஜனநாயக சீர்குலைவிற்கும், அரசியல் கட்சிகளின் ஊழலுக்கு எதிராகவும் மக்களை ஒன்றிணைக்கும் விதமாக பிரச்சாரம் செய்வோம் என எஸ்.டி.பி.ஐ தலைவர்கள் செய்தியாளர்கள் சந்திப்பில் தெரிவித்தனர். செய்தியாளர்கள் சந்திப்பில் தேசிய பொதுச்செயலாளர் எ.ஸயீத், ஹாஃபிஸ் மன்சூர் அலிகான், மாநில தலைவர் வழக்கறிஞர் ஷரஃபுத்தீன் அஹ்மது ஆகியோர் பங்கேற்றனர்.

மின்னணு வாக்குப்பதிவு எந்திரம்: சு.சாமியின் வழக்கு தள்ளுபடி

2012-01-18T09:54:00.002+05:30

18 Jan 2012

புதுடெல்லி:மின்னணு வாக்குப்பதிவு எந்திரம் தேர்தல் பயன்படுத்தப்படுவதை எதிர்த்து ஜனதா கட்சித் தலைவர் சுப்ரமணியம் சுவாமி தாக்கல் செய்த மனுவை டெல்லி உயர்நீதிமன்றம் நேற்று(செவ்வாய்க்கிழமை) தள்ளுபடிச் செய்தது.

மின்னணு வாக்குப் பதிவு இயந்திரத்துடன் காகித பிரிண்ட் அவுட் இணைக்கப்பட வேண்டும் அல்லது பழையபடி வாக்குச் சீட்டு முறையை அமல்படுத்த வேண்டும் என்று சுவாமி தனது மனுவில் கூறியிருந்தார். இந்த மனு உயர்நீதிமன்ற தலைமை நீதிபதி ஏ.கே.சிக்ரி மற்றும் ராஜீவ் சஹாய் ஆகியோரடங்கிய அமர்வு முன் செவ்வாய்க்கிழமை விசாரணைக்கு வந்தது.

மனுவை விசாரித்த நீதிபதிகள், மின்னணு வாக்குப் பதிவு இயந்திரத்துடன் காகித பிரிண்ட் அவுட் எடுப்பதற்கான வழிவகையைச் செய்யுமாறு தேர்தல் ஆணையத்தை வலியுறுத்துவது கடினம் என்று நீதிமன்றம் கருதுகிறது.
இருப்பினும் இது தொடர்பாக சம்பந்தப்பட்டவர்களுடன் விரிவான ஆலோசனையை தேர்தல் ஆணையம் நடத்தலாம் என்று குறிப்பிட்டனர்.

இந்த மனுவில் குறிப்பிட்டபடி செயல்படுத்துவதற்கு கொள்கை அளவில் மிகப் பெரும் மாற்றம் செய்ய வேண்டும் என நீதிமன்றம் கருதுவதால் மனுவை ஏற்க முடியாது என்று நீதிபதிகள் குறிப்பிட்டனர்.

மேலும் மனுதாரர் தனது மனுவில் இப்போதைய நடைமுறையில் தில்லுமுல்லு நடைபெறுவதாகக் குறிப்பிடவில்லை. அத்துடன் எதிர்காலத்தில் தவறு நிகழ வாய்ப்பிருப்பதாகவும், இதைத் தடுக்க காகித பிரிண்ட் அவுட் முறை அவசியம் என்று குறிப்பிட்டுள்ளார் என்றும் நீதிபதிகள் சுட்டிக்காட்டினர்.

குவைத்தில் அமெரிக்க படை எண்ணிக்கை அதிகரிப்பு

2012-01-17T13:44:00.003+05:30

17 Jan 2012

குவைத் சிட்டி:ஈரான் மீது தடைகளை திணிப்பது ஒரு புறம் நடந்துகொண்டிருக்கவே அந்நாட்டின் மீது தாக்குதல் நடத்துவதற்கும் அமெரிக்கா தயாராகி வருகிறது. குவைத்தில் அமெரிக்க படையினரின் எண்ணிக்கை அதிகரிக்கப்படுகிறது. குவைத்திற்கு கூடுதல் ராணுவத்தினரையும்,ஆயுதங்களையும் அனுப்பப் பட்டு வருவதாக அமெரிக்க ஊடகங்கள் செய்தி வெளியிட்டுள்ளன.

ஈராக்கில் வாபஸ் பெற்ற ராணுவத்தின் சில குழுக்கள் உள்பட குவைத்தில் அமெரிக்க ராணுவத்தினரின் எண்ணிக்கை 15 ஆயிரமாக உயர்ந்துள்ளது.

குவைத்தும்,அமெரிக்காவும் இதுத்தொடர்பாக அதிகாரப்பூர்வமாக உறுதிச்செய்யவில்லை எனினும், இருநாடுகளுடன் தொடர்புடைய வட்டாரங்கள் ஒப்புகொள்கின்றன. ஈரான் மீது தாக்குதல் நடத்துவதற்காகத்தத்தான் குவைத் உள்ளிட்ட வளைகுடா நாடுகளில் அமெரிக்கா படையை குவித்து வருகிறது. தற்போது வளைகுடா பகுதிகளில் 40 ஆயிரம் அமெரிக்க ராணுவத்தினர் உள்ளனர்.

குவைத்தில் நிரந்தரமாக ராணுவத்தினரை அதிகரிக்க அமெரிக்காவிற்கு விருப்பமில்லை என நேற்று முன்தினம் பெண்டகனின் செய்தித் தொடர்பாளரும், கடற்படை தளபதி ஜான் கர்பி தெரிவித்திருந்தார். ஆனால்,அது உண்மை அல்ல என கருதப்படுகிறது.

கடந்த மாதம் ஈராக்கில் இருந்து அமெரிக்க ராணுவம் வாபஸ் பெற்றது அதிகாரப்பூர்வமாக பூரணமானபோது முதல் ப்ரிகேடின் முதல் காவல்ட்ரி டிவிசன் நாடு திரும்பாமல் முற்றிலுமாக குவைத்தில் தங்கியுள்ளது. 4500 ராணுவ வீரர்களை கொண்ட இக்குழு ஆயுதம் ஏந்தி தயார் நிலையில் உள்ளனர்.

குவைத்தில் இப்படையினர் ‘மொபைல் ரெஸ்பான்ஸ் ஃபோர்ஸ்’ ஆக தொடர்வார்கள் என ப்ரிகேட் கமாண்டர் கர்னல் ஸ்காட் எஃப்எலாண்ட் கூறுகிறார். மேலும் மினஸோட்டாவில் இருந்து ஆகஸ்ட் மாதமே நேசனல் கார்ட் ப்ரிகேட் படை குவைத்திற்கு வருகை தந்தது. டிசம்பர் மாதம் இன்னொரு ப்ரிகேடும் வந்தது. மேலும் ஒரு ப்ரிகேட் உடனடியாக குவைத்திற்கு வருகை தரும் என கருதப்படுகிறது.

குவைத்தில் ராணுவத்தின் இருப்பை அதிகரிப்பதற்கான திட்டத்திற்கான அனுமதியை கடந்த ஆண்டு இறுதியில் அமெரிக்க சென்ட்ரல் கமாண்டின் பொறுப்பில் உள்ள மரைன் காப்ஸ் தலைவர் ஜெனரல் ஜேம்ஸ் மாட்டிஸ் பெற்றிருந்தார்.

ஈராக்கில் அவசர சூழலில் தேவைப்பட்டால் உபயோகிப்பதற்கு குவைத்தில் ராணுவத்தினரின் எண்ணிக்கையை அதிகரிப்பதாக முன்னர் அமெரிக்கா கூறியிருந்தது. ஆனால் இப்படை குவிப்பு ஈரானுக்கு எதிராக சூழந்திருக்கும் போர் மேகத்தை கவனத்தில் கொண்டு எடுக்கப்பட்ட நடவடிக்கை என அரசியல் நோக்கர்கள் கருதுகின்றனர்.

கடந்த சில காலமாக அரபிக்கடலில் நிற்கும் யு.எஸ்.எஸ் ஜான் சி.ஸ்டெனிஸ் விமானம் தாங்கி போர்க்கப்பலுடன் நேற்று முன்தினம் யு.எஸ்.எஸ்.கார்ல் வின்ஸன் என்ற கப்பலும் வருகைத் தந்தது. மூன்றாவது கப்பல் உடனடியாக வரும் என கருதப்படுகிறது. போர்க் கப்பல்களின் எண்ணிக்கையை அதிகரித்தால் அரேபிய துணைக்கண்டத்தில் உள்ள எண்ணெய்க் கப்பல்களின் முக்கிய பாதையான ஹோர்முஸ் ஜலசந்தியை மூடுவோம் என ஈரான் எச்சரிக்கை விடுத்திருந்தது.

அணு விஞ்ஞானி கொலை:குற்றவாளிகள் கைது – ஈரான் அறிவிப்பு

2012-01-17T13:44:00.000+05:30

17 Jan 2012

டெஹ்ரான்:அணு விஞ்ஞானி முஸ்தஃப அஹ்மதி ரோஷனை கொலைச்செய்த குண்டுவெடிப்பு சம்பவத்துடன் தொடர்புடையவர்கள் என சந்தேகிக்கப்பட்ட நபர்களை கைது செய்துள்ளதாக ஈரான் அறிவித்துள்ளது.

ஈரானின் பாராளுமன்ற சபாநாயகர் அலி லாரிஜானி இக்கைது சம்பவத்தை வெளியிட்டுள்ளார். அணு விஞ்ஞானியின் கொலையின் பின்னணியில் இஸ்ரேலும், அமெரிக்காவும் செயல்பட்டுள்ளது என கூறிய லாரிஜானி எத்தனை பேர் கைது செய்யப்பட்டார்கள் என்பதை தெரிவிக்கவில்லை.

கொலையைக் குறித்து முக்கிய தகவல்கள் கிடைத்துள்ளதாகவும், விசாரணை நடந்துவருவதாகவும் லாரிஜானி கூறியுள்ளார். இம்மாதம் 11-ஆம் தேதி முஸ்தஃபா அஹ்மதி ரோஷன் கார் குண்டுவெடிப்பில் கொல்லப்பட்டார். இக்கொலையின் பின்னணியில் அமெரிக்காவும், இஸ்ரேலும் செயல்பட்டுள்ளதாக ஈரான் குற்றம் சாட்டி வந்தது.

இதற்கிடையே, அமெரிக்காவும், இஸ்ரேலும் இணைந்து நடத்தவிருந்த போர் ஒத்திகை ரத்துச் செய்யப்பட்டது. இரு நாடுகள் இடையே உருவான கருத்துவேறுபாடு காரணமாக போர் ஒத்திகை ரத்துச் செய்யப்பட்டதாக கருதப்படுகிறது. ஈரானின் மத்தியவங்கி மற்றும் எண்ணெய்த்துறை மீது தடைவிதிக்க அமெரிக்காவிற்கு பயம் என அண்மையில் இஸ்ரேலின் துணைப்பிரதமர் ரேடியோவிற்கு அளித்த பேட்டியில் கூறியிருந்தார். இது அமெரிக்காவை அதிருப்தி அடையச் செய்துள்ளது.

பாட்லா ஹவுஸ்:காங்கிரஸ் முஸ்லிம்களை ஏமாற்ற முயற்சிக்கிறது – முலாயம்சிங்

2012-01-17T13:42:00.002+05:30

17 Jan 2012

லக்னோ:பாட்லா ஹவுஸ் சம்பவம் தொடர்பாக பரஸ்பரம் மாறுபட்ட அறிக்கைகளை வெளியிட்டு காங்கிரஸ் முஸ்லிம்களை ஏமாற்ற முயற்சிக்கிறது என சமாஜ்வாடி கட்சி தலைவர் முலாயம்சிங் யாதவ் குற்றம் சாட்டியுள்ளார்.

இதுக்குறித்து அவர் கூறியிருப்பது: வருகிற சட்டமன்ற தேர்தலை முன்னிட்டு முஸ்லிம்களை ஏமாற்ற மட்டுமே காங்கிரஸ் தலைவர்கள் மாறுபட்ட அறிக்கைகளை வெளியிடுகின்றனர்.

பாட்லா ஹவுஸ் என்கவுண்டர் போலி என கூறும் திக்விஜய்சிங்கை காங்கிரஸ் கட்சி ஒன்று கட்சியில் இருந்து நீக்கவேண்டும். அல்லது என்கவுண்டர் உண்மையானது என கூறும் பிரதமர் மன்மோகன்சிங் மற்றும் உள்துறை அமைச்சர் ப.சிதம்பரம் ஆகியோர் மீது நடவடிக்கை மேற்கொள்ளவேண்டும்.

முஸ்லிம்கள் தொடர்பான எவ்விவகாரத்தையும் காங்கிரஸ் முக்கியத்துவமாக கருதாது. ஆகையால்தான் தேர்தல் வரும் சூழலில் பாட்லா ஹவுஸ் பிரச்சனையை கையில் எடுத்துள்ளனர்.

பாட்லாஹவுஸ் என்கவுண்டர் போலியானது என்பதை முதன் முதலில் கூறியது சமாஜ்வாடி கட்சியாகும். இச்சம்பவத்தைக் குறித்து நீதிவிசாரணை நடத்தவேண்டும் என்ற கோரிக்கையை ஐக்கியமுற்போக்கு கூட்டணி அரசு அங்கீகரிக்க இதுவரை தயாராகவில்லை. ஆனால், தற்போது முஸ்லிம்களை முட்டாள்களாக்க அரசியல் மோசடியுடன் களமிறங்கியுள்ளது. சமாஜ்வாடி கட்சி ஆட்சியை கைப்பற்றினால் முஸ்லிம்களுக்கு இடஒதுக்கீடு வழங்கப்படும். இவ்வாறு முலாயம் கூறினார்.

சீனாவைப் போல இந்தியா ஏகாதிபத்திய நாடு அல்ல – கூகிள் இந்தியா

2012-01-17T10:54:00.002+05:30

17 Jan 2012

புதுடெல்லி:ஜனநாயக நாடான இந்தியாவுக்கு சீனாவைப் போல ஏகாதிபத்திய நாடாக முடியாது என கூகிள் இந்தியா நிறுவனம் தெரிவித்துள்ளது.

ஆட்சேபகரமான போஸ்டுகள் தொடர்பாக க்ரிமினல் நடவடிக்கையை எதிர்கொள்ளும் 20 சமூக இணையதளங்களுடன் டெல்லி உயர்நீதிமன்றத்தில் தங்களது நிலைப்பாட்டை எடுத்துரைக்கும் வேளையில் கூகிள் இந்தியா இக்கருத்தை தெரிவித்தது.

கூகுள் இந்தியா தரப்பில் ஆஜரான வழக்கறிஞர், என்.கே.கவுல் கூறியதாவது: ‘இந்த விவகாரம், பேச்சுரிமை மற்றும் கருத்துக்களை வெளியிடும் உரிமை குறித்த அரசியல் சட்ட விதிமுறைகள் தொடர்புடையது. இந்தியா ஒரு ஜனநாயக நாடு. இங்கு பேச்சுரிமை உள்ளது. சீனா போன்ற கட்டுப்பாடுமிக்க, ஜனநாயகமற்ற நாடல்ல இந்தியா. எனவே, தகவல்களை வெளியிடுவதைத் தடை செய்ய முடியாது. இணையம் என்பது, சர்வதேச அளவிலான ஒரு தொழில்நுட்பம். உலகம் முழுவதும் உள்ள பல கோடி மக்கள் இவற்றை பயன்படுத்துகின்றனர்.

நிறுவனங்கள், தனிப்பட்ட நபர்கள், அரசுகள், அரசில் உள்ள பல்வேறு துறைகளைச் சேர்ந்தவர்களும் பயன்படுத்துகின்றனர். சில நொடிகளிலேயே, பல கோடி பேர், இணையதளங்களில் பல்வேறு தகவல்களை தேடுகின்றனர். இந்நிலையில், இவற்றுக்கு தடை விதிப்பதால், இணையதளங்களை பயன்படுத்துவோருக்கு தேவையான தகவல்களை பெற முடியாத சூழல் ஏற்படும்.

கூகுள் இந்தியா என்பது, ஒரு தேடு பொறியோ (சர்ச் இன்ஜின்) அல்லது இணையதளங்களை உருவாக்கும் தளமோ அல்ல. இது, அமெரிக்காவை மையமாக கொண்டு செயல்படும் கூகுள் நிறுவனத்தின், இந்திய பிரிவு. சட்டப்பூர்வமாக செயல்படக் கூடியது. எனவே, கூகுள் இந்தியாவுக்கு எதிராக, குற்ற நடவடிக்கைகள் எடுக்க முடியாது. இந்த விவகாரம் தொடர்பாக, கூகுள் இந்தியா நிர்வாகிக்கு கீழ் கோர்ட் சம்மன் அனுப்பியுள்ளது. இதற்கு தடை விதிக்க வேண்டும்.’ இவ்வாறு, என்.கே. கவுல், தன் வாதத்தின்போது தெரிவித்தார்.

வலைத் தளங்களுக்கு எதிராக கோர்ட்டில் மனு தாக்கல் செய்த வினய் ராய் கூறுகையில், கூகுள் இந்தியா என்பது தேடு பொறி அல்ல என கூறியதை கடுமையாக ஆட்சேபனை தெரிவித்தார்.

அதேவேளையில் அரசு சார்பாக ஆஜரான வழக்கறிஞர் ஹரிஹரன் கூறுகையில்; ‘வெளியிடும் போஸ்டுகளுக்கு நிறுவனங்கள்தாம் பொறுப்பு. அதில் இருந்து கூகிள் இந்தியா, ஃபேஸ்புக் போன்ற நிறுவனங்களுக்கு லாபம் கிடைக்கிறது’ என்றார்.

இவ்வழக்கின் விசாரணை வருகிற வியாழக்கிழமை தொடரும். வழக்கு தொடர்பாக 2000 க்ரிமினல் புகார்கள் கிடைத்துள்ளதாக நீதிபதி கெய்த் கூறினார்.

கேரளா:முஸ்லிம்களின் இ-மெயில் திருட்டுதனமாக கண்காணிப்பு – விசாரணைக்கு முதல்வர் சாண்டி உத்தரவு

2012-01-17T10:53:00.000+05:30

17 Jan 2012

திருவனந்தபுரம்:முஸ்லிம் லீக் கட்சியினர் மற்றும் முஸ்லிம் பத்திரிகையாளர்கள் உள்பட கேரள மாநிலத்தில் முஸ்லிம் பிரமுகர்களின் மின்னஞ்சல்களை திருட்டுத்தனமாக உளவுத்துறை கண்காணிப்பது தொடர்பான செய்தியைக் குறித்து அவசரமாக விசாரணை நடத்த முதல்வர் உம்மன் சாண்டி உத்தரவிட்டுள்ளார்.

இவ்விசாரணையை நடத்தும் பொறுப்பு இண்டலிஜன்ஸ் கூடுதல் டி.ஜி.பி சென்குமாரிடம் ஒப்படைக்கப்பட்டுள்ளது.

கேரள மாநில போலீஸ் ஸ்பெஷல் ப்ராஞ்சுகள் மின்னஞ்சல்களை திருட்டுத்தனமாக கண்காணிப்பதை மாநில உள்துறை கவுரவமாக எடுத்துள்ளது என உள்துறை கூடுதல் முதன்மை செயலாளர் கெ.ஜெயகுமார் தெரிவித்துள்ளார்.

“இச்செய்தியை பார்த்து நாங்கள் அதிர்ச்சி அடைந்தோம். இத்தகையதொரு உத்தரவை உள்துறை போலீசாருக்கு
அளிக்கவில்லை. இச்செய்தியின் உறைவிடம் குறித்து விரிவான விசாரணை நடத்தப்படும்” என அவர் தெரிவித்துள்ளார்.

மின்னஞ்சல் திருட்டுத்தனமாக கண்காணிக்கப்படும் செய்தி வெளியானதை தொடர்ந்து முதல்வர் உள்துறை வகுப்பு மற்றும் போலீஸ் உயர் அதிகாரிகளின் அவசர கூட்டத்தை கூட்டினார். நிலைமைகள் குறித்து ஆராயப்பட்டது. பின்னர் முதல்வர் விசாரணைக்கு உத்தரவிட்டார்.

மின்னஞ்சல் திருட்டுத்தனமாக கண்காணிக்கப்படுவது குறித்த செய்தி வெளியானதை தொடர்ந்து முஸ்லிம் லீக் தலைவர்களில் ஒருவரும், மாநில அமைச்சருமான குஞ்ஞாலிக் குட்டி முதல்வருடன் பேச்சுவார்த்தை நடத்தினார்.

மின்னஞ்சல்களை கண்காணிக்க உத்தரவிடவில்லை என மாநில டி.ஜி.பி ஜேக்கப் புனூஸ் கூறியுள்ளார். இதுத்தொடர்பான செய்திகள் அடிப்படையற்றவை என கூறிய புனூஸ் இச்செய்தியை முழுமையாக மறுக்கவும் தயாராகவில்லை.

இதுத்தொடர்பாக டி.ஜி.பி கூறியது: “போலீசாருக்கு சில இ-மெயில் முகவரிகள் கிடைத்தன. அதற்கு சொந்தமானவர்களை குறித்து சோதனை நடத்தப்பட்டது. இவர்களின் முழுமையான முகவரி மற்றும் தற்பொழுது இவர்களின் விபரங்களை சேகரிப்பதற்கு இந்த சோதனை நடத்தப்பட்டது. வழக்கமான நடவடிக்கைதான். மாறாக யாருடைய மின்னஞ்சல் முகவரிகளையும் திருட்டுத்தனமாக கண்காணிக்கவில்லை.

எல்லா சமூகத்தினரின் இ-மெயில்களும் இவ்வகையில் பரிசோதிக்கப்படுகின்றன. போலீஸின் ஹைடெக் செல்
இப்பரிசோதனையை நடத்துகிறது. ஸ்பெஷல் ப்ராஞ்ச் பிரிவு இதுத்தொடர்பான நடவடிக்கைகளை பூர்த்திச் செய்கிறது. ஆதலால், கூடுதல் தகவல்களை தெரிவிக்க இயலாது” என்றார் புனூஸ்.

ஆனால், இ-மெயில் முகவரிகளை போலீஸ் சேகரிப்பதன் காரணம் குறித்து டி.ஜி.பி பதிலளிக்கவில்லை. இச்சம்பவம் கேரள அரசியலில் பரபரப்பை ஏற்படுத்தியுள்ளது.

பாப்ரி மஸ்ஜித் இடிப்பு வெறும் ஒரு சம்பவமாம்! – உச்சநீதிமன்றம் கூறுகிறது

2012-01-17T10:40:00.002+05:30

17 Jan 2012

புதுடெல்லி:பாப்ரி மஸ்ஜித் இடிப்பு வெறும் ஒரு சம்பவமே என்றும் அது பிரசித்திப் பெற்றதோ(famous) இகழ்ச்சிக்குரியதோ(infamous) அல்ல என்றும் உச்சநீதிமன்றம் கருத்து தெரிவித்துள்ளது.

பாப்ரி மஸ்ஜித் இடிப்பு வழக்கில் பா.ஜ.க தலைவர்களான எல்.கே.அத்வானி, உமாபாரதி, சிவசேனா தலைவர் பால்தாக்கரே ஆகியோர் உள்பட 20 பேருக்கு எதிரான சதித்திட்டம் குறித்து மறுவிசாரணை நடத்தவேண்டும் என கோரி சி.பி.ஐ தாக்கல் செய்த மனுவை விசாரணைக்கு எடுத்த வேளையில் நீதிபதிகளான ஹெச்.எல்.தத்து, சி.கே.பிரசாத் ஆகியோர் அடங்கிய பெஞ்ச் இக்கருத்தை தெரிவித்துள்ளது.

இவ்வழக்கை விசாரணைக்கு எடுக்கும் வேளையில், இவ்வழக்கு பாப்ரி மஸ்ஜித் இடிப்பு தொடர்பான பிரசித்திப்பெற்ற வழக்காகும் என அரசு சோலிசிட்டர் ஜெனரல் நீதிமன்றத்தில் தெரிவித்த பொழுது நீதிபதிகள் இந்த பாரபட்சமான கருத்தை வெளியிட்டனர். பின்னர் இவ்வழக்கு வருகிற மார்ச் மாதம் 27-ஆம் தேதிக்கு ஒத்திவைக்கப்பட்டது.

இவ்வழக்கு பிரபலமாகும் அளவுக்கு என்ன உள்ளது? என நீதிபதிகள் கேள்வி எழுப்பியுள்ளனர். அது ஒரு சம்பவம் மட்டுமே.தொடர்புடைய கட்சிதாரர்கள் நீதிமன்றத்தில் உள்ளனர். இது பிரசித்திப் பெற்றதோ, இகழ்ச்சிக்குரியதோ அல்ல. இவ்வழக்கில் சில கட்சிதாரர்கள் தங்களுடைய பதிலை பதிவுச்செய்யவில்லை என நீதிமன்றம் தெரிவித்தது.

க்ரிமினல் சதித்திட்டத்தை மறுவிசாரணைச் செய்யாமலிருக்க காரணம் ஏதேனும் இருந்தால் வழக்கை மீண்டும் விசாரணை செய்வதற்கு முன்பு பிரமாணப் பத்திரத்தை சமர்ப்பிக்க அத்வானி உள்ளிட்டவர்களிடம் நீதிமன்றம் உத்தரவிட்டது.

பாப்ரி மஸ்ஜித் வழக்கில் குற்றம் சாட்டப்பட்டவர்கள் மீதான சதித்திட்டம் தீட்டிய குற்றத்தை நீக்கிய கீழ்நீதிமன்ற தீர்ப்பை 2010 மே மாதம் 21-ஆம் தேதி அலகாபாத் உயர்நீதிமன்றம் உறுதிச்செய்தது. இதனை எதிர்த்து சி.பி.ஐ உச்சநீதிமன்றத்தை அணுகியது. ஆனால், குற்றம்சாட்டப்பட்டவர்கள் மீதான இதரக் குற்றங்கள் மீது விசாரணை நடத்த நீதிமன்றம் அனுமதி அளித்தது.

பாப்ரி மஸ்ஜித் இடிக்கப்பட்ட வேளையில் உத்தரபிரதேச முதல்வராக பதவி வகித்த கல்யாண்சிங், சங்க்பரிவார தலைவர்களான எல்.கே.அத்வானி, பால்தாக்கரே, உமாபாரதி, சதீஷ் ப்ரதான், சி.ஆர்.பன்சால், முரளிமனோகர் ஜோஷி, வினய்கத்தியார், அசோக் சிங்கால், கிரிராஜ் கிஷோர், சாத்வி ரிதாம்பரா, டி.ஹெச்.டால்மியா, மஹந்த் அவைத்யநாத், ஆர்.வி.வேதாந்தி, பரமஹம்ஸ் ராமச்சந்திரதாஸ், ஜகதீஷ் முன்னி மகராஜ், பி.எல்.சர்மா, நித்ய கோபால்தாஸ், தர்மதாஸ், சதீஷ் கர், மொரேஷ்வார் ஸாவே ஆகியோர் மீது சதித்திட்டம் தீட்டிய குற்றம் சுமத்தப்பட்டிருந்தது.

இந்தியாவில் கள்ள நோட்டுக்கள் விநியோகம் 400 சதவீதம் அதிகரிப்பு

2012-01-16T10:05:00.000+05:30

16 Jan 2012

புதுடெல்லி:இந்தியாவில் கள்ள நோட்டுக்கள் விநியோகம் 400 சதவீதமாக அதிகரித்துள்ளதாக நிதியமைச்சகத்தின் அறிக்கை கூறுகிறது.

நிதியியல் ரகசிய புலனாய்வு பிரிவு(Financial Investigation Unit-FIU) தயார் செய்த கடந்த நிதி ஆண்டிற்கான அறிக்கையின் படி 423539 சம்பவங்களில் 35 கோடி மதிப்பிலான கள்ள நோட்டுக்கள் கைப்பற்றப்பட்டுள்ளன. அதற்கு முந்தைய நிதி ஆண்டில் கள்ள நோட்டு தடுப்பு சட்டத்தின் அடிப்படையில் 127781 வழக்குகளை மட்டுமே தனியார் மற்றும் பொதுத்துறை வங்கிகள் நிதியியல் ரகசிய புலனாய்வு பிரிவிடம் ஒப்படைத்தன.

டெல்லி போலீஸாரின் தனிப்பிரிவு அண்மையில் 2.24 கோடி மதிப்பிலான கள்ள நோட்டுக்களை கைப்பற்றியது. 2010-11 நிதி ஆண்டில் 1000 ரூபாய் கள்ள நோட்டுக்களின் எண்ணிக்கை அதிகரித்துள்ளதாக அந்த அறிக்கை கூறுகிறது.

முஸ்லிம் நபரின் உடலை போஸ்ட் மார்ட்டம் செய்ய ஒரு மாத காலம் – தேசிய மனித உரிமை கமிஷன் நோட்டீஸ்

2012-01-16T10:04:00.002+05:30

16 Jan 2012

புதுடெல்லி:உ.பி மாநிலத்தில் கொலைச் செய்யப்பட்ட முஸ்லிம் நபரின் போஸ்ட் மார்ட்டம் நடத்த காலதாமதம் செய்வது குறித்து விளக்கம் கேட்டு உ.பி மாநில உள்துறை மற்றும் சுகாதாரத் துறைகளுக்கு தேசிய மனித உரிமை கமிஷன் நோட்டீஸ் அனுப்பியுள்ளது.

ஜவுன்பூர் மாவட்டத்தில் கொலைச் செய்யப்பட்ட ஒருவரின் போஸ்ட்மார்ட்டம் நடத்த காலதாமதம் ஏற்பட்டதால் அவரது இறுதிச் சடங்குகளை நடத்துவதில் தாமதம் ஏற்பட்டது என பத்திரிகைகளில் செய்தி வெளியானது. இச்செய்தியின் அடிப்படையில் தேசிய மனித உரிமை கமிஷன் நோட்டீஸ் அனுப்பியுள்ளது. இச்சம்பவம் தொடர்பாக ஒரு வாரத்திற்குள் பதில் அளிக்க அதிகாரிகளுக்கு கமிஷன் உத்தரவிட்டுள்ளது.

கெராக்கட் ரெயில்வே நிலையத்திற்கு அருகே உள்ள கிணற்றில் இருந்து கண்டெடுக்கப்பட்ட உடல் அதிகாரிகளின் அலட்சியத்தால் போஸ்ட்மார்ட்டம் செய்வதற்கு ஒரு மாத காலம் தாமதமாகியுள்ளது. இச்செய்தி பத்திரிகையில் வெளியானதை தொடர்ந்து சுயமாகவே தேசிய மனித உரிமை கமிஷன் நடவடிக்கை மேற்கொண்டது.

மரணித்த நபரின் இறுதிச்சடங்குகளை தாமதப்படுத்துவது ஒரு நபரின் கண்ணியத்தின் மீதான சுதந்திரத்தை மீறுவதாகும். மேலும் முற்றிலும் மனித உரிமை மீறலுமாகும் என கமிஷன் கூறியுள்ளது.

கெராக்கட்டில் முனவ்வர்கான் என்பவரின் மகன் தில்வார் கடந்த 2011 நவம்பர் 14-ஆம் தேதி காணாமல் போனார். டிசம்பர் ஒன்றாம் தேதி அவரது இறந்த உடல் அருகில் உள்ள கிணற்றில் கண்டெடுக்கப்பட்டது. இதுத்தொடர்பாக கொலை வழக்கை பதிவுச்செய்த போலீஸ் மூன்றுபேரை கைது செய்தது. போஸ்ட்மார்ட்டம் தாமதமாவதாக செய்தி பத்திரிகையில் வெளியாகும் வரை முனவ்வர் தனது மகனின் உடலை போஸ்ட்மார்ட்டம் செய்தார்களா? என்பது குறித்து விசாரிக்க லக்னோ, வாரணாசி, ஜவுன்பூர் ஆகிய இடங்களில் உள்ள மருத்துவமனைகளுக்கு செல்ல நிர்பந்திக்கப்பட்டு அழைக்கழிக்கப்பட்டார்.

14 ஆயிரம் கைதிகளுக்கு சிரியாவில் பொது மன்னிப்பு

2012-01-16T10:03:00.002+05:30

16 Jan 2012

பெய்ரூத்:சிரியாவில் சிவிலியன்கள் மீதான தாக்குதலை நிறுத்துமாறு ஐ.நா பொதுச்செயலாளர் பான் கீ மூன் கோரிக்கை விடுத்துள்ளார்.

பெய்ரூத்தில் அரபு வசந்தத்தை குறித்து நடந்த ஜனநாயக மாநாட்டில் உரை நிகழ்த்தினார் அவர். ஏகாதிபத்தியத்தை மக்கள் வெறுப்பதற்கான அடையாளம்தான் அரபுலக புரட்சி என மூன் தனது உரையில் குறிப்பிட்டார்.

அதேவேளையில், சிரியாவில் புரட்சிப் போராட்டம் துவங்கிய பிறகு தண்டிக்கப்பட்ட கைதிகளுக்கு பொது மன்னிப்பை வழங்குமாறு அதிபர் பஸ்ஸாருல் ஆஸாத் உத்தரவிட்டுள்ளார். 2011 மார்ச் 15-ஆம் தேதி முதல் 2012 ஜனவரி 15-ஆம் தேதி வரை கைது செய்யப்பட்ட 14 ஆயிரம் எதிர்ப்பாளர்கள் இதன் மூலம் விடுதலைச் செய்யப்படுவார்கள். ஏற்கனவே 3,952 பேர்
விடுதலைச் செய்யப்பட்டுள்ளனர்.

பாகிஸ்தான்:பிரச்சனைக்கு ஒரே தீர்வு தேர்தல் – இம்ரான்கான்

2012-01-16T10:02:00.000+05:30

16 Jan 2012

இஸ்லாமாபாத்:பாகிஸ்தானில் தற்போதைய நெருக்கடிகளை தீர்க்க ஒரே வழி புதிதாக தேர்தல் நடத்துவதே என முன்னாள் பாக்.கிரிக்கெட் கேப்டனும், தெஹ்ரீக்-இ-இன்ஸாப் கட்சியின் தலைவருமான இம்ரான்கான் கூறியுள்ளார்.

ராணுவம் அரசியலில் ஈடுபடுவதில் எனக்கு உடன்பாடு இல்லை. ஆனால், பாகிஸ்தான் பீப்பிள்ஸ் பார்டி அரசு ஊழலில் மூழ்கியுள்ளது. மக்கள் ஆதரவையும் அவர்கள் இழந்துவிட்டார்கள். புதிய பரிசுத்தமான அரசியல் தலைமைதான் நாட்டிற்கு தேவை என இம்ரான்கான் கூறியுள்ளார்.

உலகின் வயது குறைந்த கம்ப்யூட்டர் ஃப்ரொஃபஸனல் அர்ஃபா கரீம் மரணம்

2012-01-16T10:01:00.002+05:30

16 Jan 2012

லாகூர்:மைக்ரோஸாஃப்ட் நிறுவனத்தால் அங்கீகரிக்கப்பட்ட உலகிலேயே மிகவும் வயது குறைந்த கம்ப்யூட்டர் ஃப்ரொஃபஸனல் அர்ஃபா கரீம்(வயது 16) மரணமடைந்தார்.

கடந்த ஆண்டு டிசம்பர் மாதம் 22-ஆம் தேதி திடீரென அர்ஃபாவுக்கு வலிப்பு நோய் ஏற்பட்டது. லாகூர் மருத்துவமனையில் ஆபத்தான நிலையில் அவர் அனுமதிக்கப்பட்டார். பின்னர் டிசம்பர் மாதம் 29-ஆம் தேதி தீவிர சிகிட்சைப் பிரிவில் அவர் சேர்க்கப்பட்டார். அவரது மூளை, இதயம் ஆகியன பாதிக்கப்பட்டதால் வென்டிலேட்டரின் உதவியுடன் உயிரை பாதுகாப்பதற்கான முயற்சி மேற்கொள்ளப்பட்டது. ஆனால் 26 நாட்கள் சிகிட்சைக்கு பிறகு
சனிக்கிழமை இரவு அர்ஃபா உயிரிழந்தார்.

ஒன்பதாவது வயதில் உலகிலேயே வயது குறைந்த கம்ப்யூட்டர் ஃப்ரஃபொஸனல் என்ற மைக்ரோஸாஃப்ட் நிறுவனத்தின் அங்கீகாரத்தை பெற்ற அர்ஃபா உலக பிரசித்திப் பெற்றார். அர்ஃபா எம்.சி.பி எனப்படும் கம்ப்யூட்டர் படிப்பை தனது 9-வது வயதில் முடித்து சாதனை படைத்தார். தகவல் நுட்பத்தின் வளர்ச்சியிலும், கம்ப்யூட்டர் தொடர்பான சிக்கல்களை தீர்ப்பதிலும் அநாயச திறமை பெற்றவர்களை மைக்ரோஸாஃப்ட் ஃப்ரொஃபஸனல்களாக தேர்வுச்செய்யும்.

அர்ஃபாவுக்கு அனைத்துவித மருத்துவ சிகிட்சைக்கான ஏற்பாடுகளை செய்ய மைக்ரோஸாஃப்ட் வாக்குறுதி அளித்தது. மைரோஸாஃப்ட் நிறுவனர் பில்கேட்ஸ் அர்ஃபாவை அமெரிக்காவிற்கு கொண்டுவந்து சிகிட்சை அளிக்க கோரிக்கை விடுத்தபோதிலும் அவரது நோயின் காரணமாக அமெரிக்காவிற்கு கொண்டு செல்ல முடியவில்லை. அர்ஃபாவின் 10-வது வயதில் பில்கேட்ஸ் அவரை அமெரிக்காவிற்கு அழைத்து கெளரவித்தார். பாகிஸ்தானின் உயர்விருதான ஃபாத்திமா ஜின்னா விருது 2005-ஆம் ஆண்டு அர்ஃபாவுக்கு வழங்கப்பட்டது. இன்னும் ஏராளமான விருதுகள் அவரை தேடி வந்தன.

2006-ஆம் ஆண்டு ஸ்பெயினில் ஃபார்ஸிலோனாவில் நடந்த மைக்ரோஸாஃப்டின் தொழில்நுட்ப வல்லுநர்களின் மாநாட்டில் சிறப்புரை நிகழ்த்தி செய்திகளில் முக்கிய இடத்தை பெற்றார். இவரது மறைவிற்கு அதிபர் சர்தாரி, பிரதமர் யூசுஃப் ரஸா கிலானி ஆகியோர் இரங்கல் தெரிவித்துள்ளனர்.

ஈரான் மீது தாக்குதல் நடத்த இஸ்ரேல் ஆயத்தம்: போர் சூழலை எதிர்கொள்ள தயாராகும் அமெரிக்கா

2012-01-15T11:23:00.000+05:30

15 Jan 2012

வாஷிங்டன்:அமெரிக்காவின் எச்சரிக்கையை மீறி ஈரானை தாக்குவதற்கு முயற்சியை இஸ்ரேல் துவக்கியுள்ளதாக செய்தி வெளியாகி உள்ளது.

இஸ்ரேல் ஈரானை தாக்க இருப்பதை முன்னிட்டு வளைகுடா பகுதியில் தங்களின் தளங்களை பாதுகாப்பதற்கான நடவடிக்கைகளை அமெரிக்கா ஆரம்பித்துள்ளது. இச்செய்தியை வால்ஸ்ட்ரீட் ஜெர்னல் பத்திரிகை வெளியிட்டுள்ளது.

திமோன்னாவில் உள்ள அணுசக்தி நிலையத்தை இம்மாதம் இஸ்ரேல் மூடியதற்கு காரணம் தாக்குதலுக்கு முன்னோடியாக கருதப்படுகிறது. ஈராக் உள்பட ஈரானின் தாக்குதலுக்கு இலக்காகும் தளங்கள் மற்றும் மையங்களில் பாதுகாப்பு ஏற்பாட்டை பலப்படுத்த அமெரிக்கா நடவடிக்கை மேற்கொண்டுள்ளது.

தூதரக அதிகாரிகள், ஃபெடரல் அதிகாரிகள், ஒப்பந்த அதிகாரிகள் உள்பட 15 ஆயிரம் அமெரிக்க குடிமகன்கள் தற்பொழுது ஈராக்கில் உள்ளனர். மேலும் குவைத்தில் 15 ஆயிரம் ராணுவத்தினர், கத்தரில் ராணுவ தளம், பாரசீக வளைகுடாவில் விமானம் தாங்கி கப்பல்கள் ஆகியன ஈரானின் தாக்குதலுக்கு இலக்காகும் வாய்ப்புள்ளது. தாக்குதல் துவங்கினால் அமெரிக்காவின் மையங்கள் எதனையும் சும்மா விடமாட்டோம் என ஈரான் எச்சரிக்கை விடுத்துள்ளது.

தாக்குதல் நடத்தினால் உருவாகும் எதிர்விளைவுகளை குறித்து அமெரிக்க அதிபர் பாரக் ஒபாமாவும், பாதுகாப்பு செயலாளர் லியோன் பனேட்டாவும் இஸ்ரேலுக்கு தொடர்ந்து எச்சரிக்கை விடுத்து வருகின்றனர். கூடுதல் தடைகளை விதித்து ஈரானுக்கு நிர்பந்தம் அளிப்பதன் மூலம் தங்கள் வழியில் கொண்டுவரலாம் என்பது அமெரிக்காவின் நோக்கமாகும். இவ்விவகாரங்களின் தீவிரத்தை குறித்து உணர்த்த கடந்த வியாழக்கிழமை ஒபாமா, இஸ்ரேல் பிரதமர் பெஞ்சமின் நெதன்யாகுவுடன் தொலைபேசியில் உரையாடினார்

கூடங்குளம் பிரச்சனைக்கு அரசியல் தீர்வு காணவேண்டும் – மன்மோகனிடம் கலாம் வேண்டுகோள்

2012-01-15T11:21:00.002+05:30

15 Jan 2012

சென்னை:கூடங்குளம் அணுமின் நிலையம் தொடர்பான பிரச்சனைக்கு தமிழ் நாட்டின் முதலமைச்சர் ஜெயலலிதாவுடன் இணைந்து அரசியல் ரீதியான தீர்வு காண வேண்டும் என்று இந்திய முன்னால் ஜனாதிபதி அப்துல் கலாம் பிரதமர் மன்மோகன் சிங்கிடம் வேண்டுகோள் விடுத்துள்ளார். மேலும் பதினொன்றாவது ஐந்து ஆண்டு திட்டத்திலிருந்து தமிழ் நாட்டிற்கு நிதி ஒதுக்கி அறிவிப்பு வெளியிட வேண்டும் என்றும் கோரிக்கை விடுத்துள்ளார்.

டிசம்பர் 22-ஆம் தேதியிட்டு பிரதமர் மன்மோகன் சிங்கிற்கு எழுதியுள்ள கடிதத்தில் கூடங்குளம் அணுமின் நிலையம் 1-லிருந்து 1000 மெகாவாட் மின்சாரம் தமிழ் நாட்டிற்கு வழங்க வேண்டும் என்றும் கூடங்குளம் அணுமின் நிலையம் 2_லிருந்து நாட்டின் மற்ற பகுதிகளுக்கு வழங்கப்படும் மின்சாரத்தில் அதை சமன்படுத்திக் கொள்ளலாம் என்றும் கலாம் தெரிவித்துள்ளார்.

மேலும் பிரதமர் கலாமின் ஆலோசனை கருத்தில் கொள்ளப்படும் என்று தெரிவித்துள்ளதாக கலாமின் ஆலோசகர் வ.பொன்ராஜ் தெரிவித்துள்ளார்.

திருநெல்வேலி மாவட்டம் கூடங்குளத்தில் 1000 மெகாவாட் திறனைக் கொண்ட இரண்டு அணு உலைகள் அமைக்கப்படும் பணி நடந்து வருகிறது. இதை எதிர்த்து கூடங்குளத்தைச் சேர்ந்த மக்களும், இடிந்தகரை மற்றும் தமிழ் நாட்டின் மற்ற பகுதி மக்களும் தொடர்ந்து போராடி வருகின்றனர். கூடங்குளத்தில் போராட்டம் நடந்து வருவதால் கடந்த மூன்று மாதங்களாக அணு உலை அமைக்கும் பணிகள் தடைபட்டு வருகிறது.

மேலும் கூடங்குளம் பிரச்சனையை விரைவில் தீற்கவில்லை என்றால் அது இந்தியாவில் அணுமின் நிலையங்களுக்கு எதிரான எண்ணங்கள் மேலும் வளரும் என்றும் கலாம் தனது கடிதத்தில் குறிப்பிட்டுள்ளார். மேலும் அணு உலைகள் எந்த பகுதியில் அமைக்கப்பட வேண்டும் என்பது குறித்து கொள்கை வகுக்கப்பட வேண்டும் என்றும் தெரிவித்துள்ளார்.

மேலும் அணு உலை அமைப்பாளர்களுக்கும் மக்களுக்கும் இடையில் நல்ல உறவை ஏற்படுத்த வேண்டும். கூடங்குளத்தில் பேரிடர் மேலாண்மை மையம் ஒன்றும் அமைக்கப்பட வேண்டும் என்றும் கலாம் தெரிவித்துள்ளார்.

பா.ஜ.க-அ.தி.மு.க:ஒரே எண்ணத்தை கொண்டுள்ளன – அத்வானி பெருமிதம்

2012-01-15T11:20:00.002+05:30

15 Jan 2012

சென்னை:ஜெயலலிதாவால் ‘செல்க்டீவ் அம்னீஷியா’ என புகழாரம் சூட்டப்பட்ட பாரதீய ஜனதா கட்சியின் தலைவர் எல்.கே.அத்வானியும், குஜராத் முஸ்லிம் இனப்படுகொலை புகழ் நரேந்திர மோடியும் பார்ப்பன பாசிச ஏஜண்ட் சோ
ராமசாமியின் பத்திரிகையான துக்ளக்கின் ஆண்டு விழா நிகழ்ச்சியில் கலந்துக்கொண்டு உரை நிகழ்த்தினர்.

நிகழ்ச்சியில் அத்வானி பேசியது: ‘பாஜக-வுக்கும் அதிகமுக-வுக்கும் இடையே இயற்கையான கூட்டணி அமைந்துள்ளது என்பதை ஆரம்பம் முதலே கூறி வருகிறேன்.

தேசிய ஜனநாயகக் கூட்டணியுடன் அதிமுக நேரடியாகக் கூட்டணி வைத்துக் கொள்ளவில்லை என்றபோதும், நாடாளுமன்ற கூட்டத் தொடர்களில் இரு கட்சிகளின் ஒற்றுமையும் மேலோங்கி வருகிறது.

இவ்வாறு கூறுவதால், ஏதாவது அரசியல் தந்திரம் உள்ளதாக நினைத்துக் கொள்ள வேண்டாம். பல்வேறு விவகாரங்களில் இரண்டு கட்சியும் ஒரே கருத்தை, எண்ணத்தைக் கொண்டிருப்பதே இதற்குக் காரணம்.

ஜெயலலிதா, நரேந்திர மோடி போன்ற வெளிப்படையான தலைவர்கள்தான் நம்முடைய நாட்டுக்கு இப்போது தேவை’ என்றார்.

பாசிச ஹிந்துத்துவம், பார்ப்பணீயம் ஆகியவற்றில் சில வேளைகளில் பா.ஜ.கவையும் மிஞ்சும் வகையில் கருத்துக்களை வெளியிடுபவர் ஜெயலலிதா. அதனடிப்படையில் அத்வானி இவ்வாறு கூறியிருக்கலாம்.

தீர்ப்பு கூறுவது பெரும்பான்மையினரின் விருப்பத்தின் அடிப்படையில் அல்ல – நீதிபதி கபாடியா

2012-01-15T11:19:00.002+05:30

15 Jan 2012

மும்பை:பெரும்பான்மையினரின் விருப்பங்கள் மற்றும் அரசியல் ஆகியவற்றில் இருந்து நீதிமன்றங்கள் சுதந்திரமாக செயல்படவேண்டும் என்றும், நீதிபதிகள் பெரும்பான்மையினரின் அபிப்ராயத்தின் அடிப்படையில் அல்லாமல், சட்டத்தின் அடிப்படையில் தீர்ப்பு வழங்கவேண்டும் என்றும் உச்சநீதிமன்ற தலைமை நீதிபதி ஹெச்.எஸ்.கபாடியா கூறியுள்ளார்.

மும்பையில் நானி பல்கிவாலா நினைவு அறக்கட்டளையின் ஒன்பதாவது ஆண்டுவிழா சொற்பொழிவு நிகழ்ச்சியில் கலந்துகொண்டு உரை நிகழ்த்தினார் அவர்.

அப்பொழுது அவர் கூறியதாவது:’அரசியலில் இருந்து விடுபட்டு சுதந்திரமாக செயல்படுவதுடன் நீதிமன்றங்கள் பெரும்பான்மையினரின் விருப்பங்களில் இருந்தும் சுதந்திரமாக செயல்படவேண்டும். ஏதேனும் ஒரு பிரிவினருக்கு எதிராக தீர்ப்பு வந்தால் நீதிபதிகள் மீது அழுத்தம் உருவாகும் சூழல் ஏற்படுகிறது. சட்டம் என்பது நேர்மையில் இருந்து மாறுபட்டது அல்ல. சட்டத்தில் பழுதுகள் இருப்பதை அங்கீகரிக்கிறேன். ஆனால், நீதிபதிகளின் குணநலனின் பழுதுகள் ஏற்படுவது பிரச்சனையை உருவாக்கும்.

ஜுடிஸியல் அக்கவுண்டபிலிட்டி மசோதா பாராளுமன்றத்தில் தாக்கல் செய்யப்பட்டது குறித்து ஏதேனும் நீதிபதிகளுக்கு
அதிருப்தியை ஏற்படுத்தினாலும் நீதிக் கட்டமைப்புடன் உள்ளார்ந்த நேர்மையுடன் நடப்பவர்களுக்கு அச்சமில்லை என கபாடியா கூறினார்.

பாராளுமன்ற தாக்குதலில் அநியாயமாக கைது செய்யப்பட்டு உச்சநீதிமன்றத்தால் தூக்குத்தண்டனை விதிக்கப்பட்டவர் அப்சல் குரு. இவர் மீதான குற்றத்திற்கு போதிய ஆதாரங்கள் இல்லாத போதும் உச்சநீதிமன்றம் அளித்த தீர்ப்பில் இவ்வாறு குறிப்பிட்டது. “The incident, which resulted in heavy casualties, has shaken the entire nation and the collective conscience of the society will be satisfied if the capital punishment is awarded to the offender.” அதாவது collective conscience பெரும்பான்மையினரின் மன விருப்பத்தின் அடிப்படையில் உச்சபட்ச தண்டனையை அளிப்பதாக கூறியது.

அதைப்போல பாப்ரி மஸ்ஜித் நில உரிமையியல் வழக்கிலும் சட்டத்தையோ, ஆதாரங்கள், ஆவணங்களை ஆராயமல் நம்பிக்கைகள், புராணங்களின் அடிப்படையில்தான் பாப்ரி மஸ்ஜித் நிலைப்பெற்றிருந்த நிலத்தை 3 ஆக பிரித்து அலகாபாத் உயர்நீதிமன்றம் தீர்ப்பளித்தது குறிப்பிடத்தக்கது.

ராணுவம் ஆட்சியை கவிழ்ப்பதை தடுக்க பாக்.அரசு தீவிர முயற்சி

2012-01-14T11:16:00.002+05:30

14 Jan 2012

இஸ்லாமாபாத்:பாகிஸ்தானில் ராணுவத்திற்கும், அரசிற்கும் இடையே கருத்துவேறுபாடு உச்சக்கட்டத்தை அடைந்துள்ள சூழலில் ராணுவம் ஆட்சியை கவிழ்ப்பதை தடுப்பதற்கு அரசு தீவிர முயற்சியில் ஈடுபட்டுள்ளது.

ராணுவ புரட்சிக்கு வாய்ப்பு இருப்பதை உணர்ந்த பிரதமர் கிலானி பாகிஸ்தானில் உயர் பிரிட்டீஷ் ஹைக்கமிஷனர் தாம்ஸனை தொலைபேசியில் தொடர்புக்கொண்டு உதவி தேடியதாக டான் பத்திரிகை செய்தி வெளியிட்டுள்ளது. ஆனால், கிலானியின் கோரிக்கைக்கு பிரிட்டன் அளித்த பதில் குறித்து தகவல் கிடைக்கவில்லை. ராணுவம் ஆட்சியை கவிழ்ப்பது எந்த நேரத்திலும் நிகழலாம் என்ற பீதி உயர் அரசு வட்டாரங்களில்
நிலவுகிறது.

ராணுவத்திற்கு இவ்விவகாரத்தில் உச்சநீதிமன்றத்தில் இருந்து உதவி கிடைக்கலாம் என அரசு அஞ்சுகிறது என டான் அதிகாரப்பூர்வ வட்டாரங்களை மேற்கோள்காட்டி செய்தி வெளியிட்டுள்ளது.

ராணுவத்திற்கும், தங்களுக்கும் இடையே ஒரு மத்தியஸ்தரின் உதவியோ அல்லது அமெரிக்கா, வளைகுடா நாடுகள் ஆகியவற்றின் இதர உதவிகளையோ பாக்.அரசு தற்போது எதிர்பார்க்கிறது. ஆளுங்கட்சியான பாகிஸ்தான் பீப்பிள்ஸ் பார்டி(பி.பி.பி) இதர கட்சிகளின் உதவியை கோரியுள்ளது. மேலும் எதிர்கட்சியின் உதவியையும் எதிர்பார்க்கிறது.

ஏகாதிபத்தியமா? ஜனநாயகமா? எது வேண்டும்? என்பதை பாராளுமன்றம் தீர்மானிக்கும் என நேற்று கிலானி வெளியிட்டுள்ள அறிக்கை எதிர்கட்சிகளின் ஆதரவை எதிர்பார்த்து வெளியிடப்பட்டது என கருதப்படுகிறது.

அரசியல் தலைவர்களிடமிருந்து பூரண நம்பிக்கையை பதிவுச் செய்யும் தீர்மானத்தை ஆளுங்கட்சி நேற்று பாராளுமன்றத்தில் தாக்கல் செய்தது. வருகிற திங்கள்கிழமை நம்பிக்கை வாக்கெடுப்பு குறித்து விவாதம் நடைபெறும். ஒரே சமயத்தில் உணர்ச்சிகரமாகவும், சவால் விடுக்கும் விதமாகவும் நேற்று கிலானி பாராளுமன்ற உரை அமைந்திருந்தது.

“யாருடைய ஆதரவையும் நாங்கள் யாசிக்க மாட்டோம். ஆனால், அரசு ஏதேனும் தவறு இழைத்து இருந்தால் ஜனநாயகமும், பாராளுமன்றமும் தண்டிக்கப்பட வேண்டும் என்பது அர்த்தமல்ல” என கிலானி கூறினார்.

அரசுக்கும், ராணுவத்திற்கும் இடையே கருத்துவேறுபாடு உச்சக்கட்டத்தை அடைந்து, எந்நேரமும் ராணுவம் ஆட்சியை கவிழ்க்கலாம் என்ற சூழலில் அரசின் எதிர்காலத்தை இனி உச்சநீதிமன்றம் தீர்மானிக்கும்.

சர்தாரி உள்ளிட்ட பிரமுகர்கள் மீது சாட்டப்பட்டுள்ள ஊழல் வழக்குகளில் விசாரணை திங்கள்கிழமை உச்சநீதிமன்றத்தில் நடைபெறுகிறது. ஊழல் வழக்குகளில் விசாரணைக்கு தயாராகாத அரசு மீது நடவடிக்கை எடுக்கப்படும் என உச்சநீதிமன்றம் எச்சரிக்கை விடுத்துவிட்டது. இச்சூழலில்தான் அரசியல் நோக்கர்களும், ஊடகங்களும் உச்சநீதிமன்றத்தின் தீர்ப்பை காத்திருக்கின்றனர். அரசியல் சட்ட காரணங்களை காட்டி அரசை கலைக்க உச்சநீதிமன்றம் உத்தரவிட்டால் அதற்கு ராணுவத்திடம் இருந்து அனைத்துவிதமான ஆதரவும் கிடைக்கும் என கருதப்படுகிறது.

இஸ்ரேல்-இந்தியா ஒப்பந்தம்: பாப்புலர் ஃப்ரண்ட் கடும் கண்டனம்

2012-01-14T11:14:00.002+05:30

14 Jan 2012

புதுடெல்லி:தீவிரவாதத்திற்கு எதிரான நடவடிக்கையை பலப்படுத்த வேண்டும் என்ற பெயரால் ஐக்கிய முற்போக்கு கூட்டணி அரசு இஸ்ரேலுடன் ஒப்பந்தம் செய்துள்ளதை பாப்புலர் ஃப்ரண்ட் ஆஃப் இந்தியா வன்மையாக கண்டித்துள்ளது.

இதுத்தொடர்பாக அவ்வமைப்பின் தேசிய தலைவர் இ.எம்.அப்துற்றஹ்மான் வெளியிட்டுள்ள அறிக்கையில் கூறியிருப்பதாவது:

“சர்வதேச அளவில் தீவிரவாத செயல்களுக்கு ஊற்றுக்கண்ணாக விளங்கும் இஸ்ரேலுடன் இத்தகைய ஒப்பந்தம் செய்திருப்பது கேலிக்கூத்தானது. துரதிர்ஷ்டவசமாக நமது அரசு அமெரிக்கா மற்றும் அதன் நெருங்கிய கூட்டாளியான இஸ்ரேலின் மோசமான கொள்கையை செயல்படுத்தும் கருவியாக செயல்பட்டு வருகின்றது.

இந்தியா-இஸ்ரேலின் கூட்டு ஒப்பந்தத்தின் அடிப்படையில் இஸ்ரேல் தூதரகம் பெங்களூரில் திறக்கப்படும் என்ற முடிவு தேச நலனிற்கு ஊறு விளைவிக்கக் கூடிய ஒன்றாக பாப்புலர் ஃப்ரண்ட் கருதுகின்றது.

மதவாதம் மற்றும் பயங்கரவாதத்தை கொள்கையாக கொண்டு செயல்பட்டு வரும் இந்துத்துவ பாசிஸ்டுகளின் கையில் சிக்குண்டு கிடக்கும் மாநிலமான கர்நாடகாவில் இஸ்ரேலிய தூதரகம் அமையவிருப்பது பாசிஸ்டுகளுக்கு மேலும் ஊக்கத்தை கொடுக்கும்.

சியோனிச தீவிரவாத கொள்கைகளை தீவிரமாக பின்பற்றி வரும் நாடான இஸ்ரேல்தான் நவீன கால தீவிரவாதத்திற்கு வித்திட்டு வருகின்றது என்பதை நாகரீக உலகில் உள்ள அனைவரும் அறிவர். குறிப்பாக கடந்த 60 ஆண்டுகளாக சியோனிச தீவிரவாதத்தால் பாதிப்பிற்குள்ளாகி வரும் ஃபலஸ்தீன மக்கள் இஸ்ரேலின் தீவிரவாதத்தை குறித்து நன்கு அறிவர்.

இஸ்ரேல் தனது தூதரகத்தை இந்தியாவில் டெல்லியிலும், இந்தியா இஸ்ரேலிய தலைநகர் டெல்அவீவிலும் 1992-ஆம் ஆண்டு பரஸ்பரம் துவக்கினர். இந்தியாவில் இஸ்ரேலிய தூதரகம் துவங்கப்பட்ட(1992க்கு) பின்புதான் நாட்டில் தொடர்
குண்டு வெடிப்புகள் நடைபெற்று வருவது குறிப்பிடத்தக்கது.

பல வருடங்களாக இந்தியா ஃபலஸ்தீன ஆதரவு நிலைப்பாட்டுடன் செயல்பட்டு வருகின்றது. ஐக்கிய நாடுகள் பாதுகாப்பு கவுன்சிலில் இந்தியா தனது கணக்கை துவக்கியதிலிருந்து ஃபலஸ்தீன ஆக்கிரமிப்பு பகுதியில் இஸ்ரெல் இழைத்து வரும் அக்கிரமங்களை எதிர்த்து எடுக்கப்படும் தீர்மானங்களில் இந்தியா தன்னையும் இணைத்துக் கொண்டுள்ளது.

மகாத்மா காந்தி சொன்னது போன்று எப்படி இங்கிலாந்து – ஆங்கிலேயர்களுக்கு சொந்தமோ அது போன்று ஃபலஸ்தீன் ஃபலஸ்தீனர்களுக்கே என்ற நிலைப்பாட்டில் தாங்கள் நிலைத்திருப்போம் என ஐக்கிய முற்போக்கு கூட்டணி பல தருணங்களில் உறுதிப்படுத்தியுள்ளது.

ஃபலஸ்தீனை பிரிக்கக்கூடிய விவகாரத்தில் இந்தியா எப்போதுமே எதிர்கருத்தைத் தான் கொண்டுள்ளது. மேலும் யூதர்கள் மற்றும் ஃபலஸ்தீனர்களுக்கு சமமான அரசியல் உரிமையை வழங்கும் ஒரு தேச கொள்கையிலும் இந்தியா உறுதியாக இருந்து வந்துள்ளது.

ஜவஹர்லால் நேருவின் காலம் தொட்டு ராஜீவ்காந்தி காலம் வரை இதுதான் நம்முடைய கொள்கையாக இருந்து வந்தது.

எனவே, ஃபலஸ்தீன மக்களின் துயரங்களோடு நாங்களும் இருக்கின்றோம் என்பது போன்று காட்டிக்கொண்டு மறுபுறம் ரவுடி நாடான இஸ்ரேலை அரவணைக்கும் நயவஞ்சக போக்கினை இந்தியா உடனடியாக கைவிடவேண்டும் என்று பாப்புலர் ஃப்ரண்ட் ஆஃப் இந்தியா ஐக்கிய முற்போக்கு கூட்டணி அரசை கேட்டுக்கொள்கின்றது.” இவ்வாறு இ.எம்.அப்துற்றஹ்மான் கூறியுள்ளார்.

போபால்:பாதிக்கப்பட்டவர்களுக்கு 134 கோடி ரூபாய் இழப்பீடு

2012-01-14T11:13:00.002+05:30

14 Jan 2012

புதுடெல்லி:போபால் விஷவாயு துயர சம்பவத்தில் பாதிக்கப்பட்ட 12 ஆயிரம் பேருக்கு 134 கோடி ரூபாய் இழப்பீடாக வழங்குவதற்கான பரிந்துரையை சமர்ப்பிக்க இச்சம்பவம் தொடர்பான அமைச்சரவை குழு(GoM-Group of Ministers)
தீர்மானித்துள்ளது. போபால் விஷவாயு துயர சம்பவத்தால் பாதிக்கப்பட்டவர்கள் புற்றுநோய், சிறுநீரக நோய் ஆகிய நோய்களால் அவதியுறுகின்றனர்.

இழப்பீட்டு தொகையை விநியோகிக்க நேற்று கூடிய அமைச்சரவை கூட்டம் தீர்மானித்துள்ளதாக கூட்டத்திற்கு பிறகு மத்தியபிரதேச மாநில அமைச்சர் பாபுலால் கவுர் தெரிவித்தார்.

உள்துறை அமைச்சர் ப.சிதம்பரத்தின் தலைமையில் நடந்த இக்கூட்டத்தில் சுகாதாரத்துறை அமைச்சர் குலாம்நபி ஆஸாத், சட்ட அமைச்சர் சல்மான் குர்ஷித் ஆகியோர் உள்பட பல அமைச்சர்களும் கலந்துக்கொண்டனர்.

விஷவாயு விபத்தால் பாதிக்கப்பட்ட 10045 பேருக்கு 10 லட்சம் ரூபாய் வீதம் வழங்கவேண்டும் என்ற கோரிக்கையை அமைச்சரவை குழு நிராகரித்தது. இதுக்குறித்து ம.பி.அமைச்சர் பாபுலால் கவுர் தனது அதிருப்தியை வெளியிட்டார்.